avril

Vie nomade des ouvriers.

Àrch. nat., Reg. du Trésor des chartes, JJ 197, fol. 49 v<*, n° 81.

Jehan Pyot le jeune, frippier, demourant a Paris, chargé de femme et enffans, jeune homme aagé de vingt cinq ou

vingt six ans [dit que il] est natif de la ville de Paris

en laquelle il a demouré en son jeune aage et a este mis a mestier a pourpoinctier, ou quel îl a servis et aprins jusques a Taage de dix huit, après lequel et qu'il a esté congnoissant Testât et industrie dudit mestier, s'en est aie par le païs pour acquérir quelque bonne fortune, et mesmement en la ville de Bruges ou il a demouré aucun temps, besongnant dudit mestier. Et après il est venu demourer en la ville d'Arras, ouquel lieu il a semblablement besongné de sondit mestier, et tellement s'i est gouverné qu'il a esté marié a une bonne fille du dit lieu, laquelle il a amenée demourer en cestedite ville de Paris, trois ans a ou environ,

OU lui arrivé, pour ce qu'il n'estoit maistre de sondit mestier de pourpointier et qu'il n'avoit de quoy fournir aux fraiz qu'il convenoit faire pour acquérir ladite maistrise de pourpointier, eust obtenu lettres des officiers de nostre très chier et très amé frère et cousin le duc de Bourgongne, chambrier de France, pour avoir la faculté et povoir de vendre et acheter toutes denrées et marchandises concernans le mestier de freppier a Paris, ouquel estât ledit suppliant s'est entremis