n. s.), 11 février

Candidat reçu à la maîtrise par recheçinage malgré C opposition des eswards de la corporation,

Arch. municipales d'Amiens, Reg. AA 6, fol. 248 v".

Comme Jehan Puche, sellier natif de la ville de Saint Quentin en Vermandois demourant a Amiens eust le jourd'ui présenté a mess, certaine requeste en leur eschevinage contenant que nagueres, en intencion de par lui estre receu a passer maistre dudict mestier de sellier en ladicte ville d'Amiens, il avoit fait chief d'oeuvre de une bonne selle de malle^ ainsi qu'il estoit tenu faire par les briefz et que ordonné lui avoit esté par les maistres et eswars d'icellui mestier, laquelle selle avoit depuis esté apportée par deux fois a l'ostel de ladicte ville, est assavoir a l'une et la première fois nue et nervée et a la seconde fois couverte et preste et par lesdicts maistres et eswars visitée mais toutesvoyes yceulx maistres et eswars meuz et indignez a rencontre de lui, a cause de ce qu'il ne avoit voulu paier certaine despence et boichons qu'ilz vouloient faire sur lui et, non contens de la gratuité qu'il leur avoit fait a diverses foiz et repas qui lui avoit cousté la somme de sept frans et mieulx, s'estoient eflTorcéz de le empeschier ad ce qu'il ne feust receu a maistre dudict mestier, disans par eulx ladicte selle non estre bonne ne souffisant, enquoy il avoit soustenu de grans despens, requérant qu'il pleust a mesdicts seigneurs a considérer que des long temps il estoit ouvrier dudict mestier et aussi qu'il estoit povre homme estrangier,

permettre et ordonner, non obstnnt le contredît et empeschement que lui vouloient baillier et avoient baillié lesdicts maistres et eswars et qu'il peust gaignier sa vie, qu'il feust reçeu a maistre dudict mestier, savoir faisons que, veue ladicte requeste et sur ce eu conseil et advis oudict eschevinage, mesdicts seigneurs ont ordonné que ledict Jehan Puche suppliant sera reçeu a maistre dudict mestier en paiant les droiz, selon la teneur des briefs d'icellui mestier, sans préjudice auxdicts briefz ne audict mestier. Du xi® jour dudict mois de février oudict an IIII'^^ et ung en reschevinagê.