Et pour ce que plusieurs des compaignons dudict

art et mestier, avant qu'ilz fussent bien apris et expers d'icelui art et mestier, se sont mesiéz... dudict mestier et ont gasté ... les draps que l'en leur bailloit . . . , est ordonné que doresenavant les compaignons qui vouldront passer maistres et. . .tenir boutique. . . feront leur chief d'euvre dudict mestier en trois ou quatre aulnes de draps, lesquelles, appeliez les maistres dudict mestier jusques a tel nombre qu'il semblera a mondict seigneur le seneschal ou son lieutenant, présenteront en jugement a mondit seigneurie seneschal ou son lieutenant et par l'ordonnance de mondict seigneur le seneschal ou sondict lieutenant seront baillées icelles trois ou quatre aulnes... a ung desdicts courriers ou autres desdicts maistres cheiz lequel ledict compaignou qui vouldra passer maistre sera tenu tondre et mectre en bon

point et après elles seront veues et visitées par

lesdicts maistres du mestier. . . qui pour ce seront appeliez . . .par ledict seneschal ou son lieutenant en la présence du procureur du roy ou son substitut. . .aveoir faire le rapport et visitacion dudict drap et après ce seront assignez lesdicts maistres qui auront esté a ladicte visitacion et ledict compaignon qui aura fait ledict chief d'euvre, lesquels . seront assignez par ledict procureur du roy a certain jour ensuivant pardevant mondict seigneur le seneschal, pour illecques faire et ouyr le rapport desdicts maistres touchant ledict chef d'euvre et, se par le rapport desdicts maistres ledict chief d'euvre se treuve estre bien fait, ledict compaignon sera passé maistre