Roquebrune, dép. du Var, canton de Fréjus
302 DOCUMENTS RELATIFS A L'HISTOIRE [XV« s.)
juges et aultres officiers, tant royaux que ordinaires, qu'ilz ayent a tenir et accomplir et faire tenir, laisser jouir et user ledict Alexandre et ses successeurs rovs des merciers en toutes citez, villes, chasteaux et par tous les lieux de ce royaume, sans nulle contradiction de personnes queizconques et ou le don desdicts roys des merciers s'estendra ainsy que après s'ensuit.
1. Et premièrement que ledit Alexandre premier roy des merciers et ses successeurs puissent faire leurs lieutenants, connestables, prevosts, juges, notaires et sergents et que lesdits lieutenants faits par lesdicts roys des merciers puissent faire chevaliers en toutes foires et marchez et en quelque part que ils soyent trouvez en cedict royaume de France et par especiàl partout ou le don s'estendra et que lesdicts chevaliers faictz par lesdicts roys des merciers ayent a tenir bon poids et loyal et bonne aulne et loyale, et que ils donnent et baillent a toutes personnes, tant petites que grandes, leurs droictz et, s'ilz font le contraire, que lesdicts roys des merciers ou leurs lieutenants les ayent a prendre et rompre et en faire punition telle que de raison et qui luy semblera juste et raisonnable, sans ce que nulz justiciers royaux ne autres ordinaires luy ayent a donner nul empeschement ne contredict a son ordonnance.
2. Que lesdicts roys de France donnèrent et octroyèrent les privilèges et grâces ausdicts roys des merciers et ses successeurs que, en tous lieux et places que ils soyent trouvez, soit es villes franches ou jurées ou en foires nouvelles et marchez nouveaux, que les seigneurs consuls ou gardeurs desdicts lieus ayent a pourveoir et bailler audict roy des merciers ou a son lieutenant une maison pour le loger, pour faire leur appareil et assemblement de tous les chevaliers et subjects audict état et office venants aux foires et marchez, aux despens de celuy qui impetrera la foire ou marché nouveau et que iceluy ait a pourveoir et donner a ladicte feste c'est a scavoir quatre charges de bois, quatre moutons, quatre torches de deux livres chacune, quatre livres de chandelle de cire, six livres de chandelle de suif et ung
coupel de sel tenant demy quarteron et deux escuelles de fustée neufves, cinquante tranchouers et trois livres d'espice ; item un bœuf, le plus gras et le plus beau qui se pourra trouver en ladicte foire ou marché, lequel bœuf doibt estre chevaulcher (sic) par ledit roy des merciers ou son lieutenant ou aultres chevaliers et faire crier et publier ladicte foire ou marché a tous les quarefours dudict lieu, publiant aussy toutes les franchises de ladicte foire ou marché et ledict roy des merciers ou son lieutenant doibt donner place et ordonner lieu propre a ung chacun chevalier, selon sa marcha'ndise qu'il porte et taxer les bancs raisonnablement ainsy que par luy et son conseil sera advisé et, en ce faisant, ledict bœuf est au roy des merciers ou a son lieutenant sy ceulx dudict lieu ne le veulent rachepter ; ilz sont tenuz en bailler audict roy des merciers ou sondict lieutenant pour ledict bœuf ung marc d'argent et oultre donner place a desployer sa marchandise, selon que elle sera, et les sieurs dudict lieu sont tenuz de confirmer et accepter lesdicts taulx et les faire tenir par ledict roy des merciers faictes et ordonnées de par luy ausdictes foires et marchez.
3. Que lesdicts roys de France donnèrent et octroyèrent audict roy des merciers et a ses successeurs de visiter ^ toutes marchandises, comme sont torches, cierges et aultres ouvrages de cire, et marchandises de poids^ comme poivre, pourpiere, saflPran, guingembre, doux de girofle, canelle, pouldre longue, grains de paradis, noix muscade et toutes aultres merceries et espiceries et toutes chandelles, tant de suif que de cire, et que s'il y en a deux par dedans sont produictes de mercerie et les visiter tout ainsy que ilz doibvent estre visitées ; et si en lesdictes marchandises se trouve quelque chose qui ne soit bon et loyal, que de ladicte marchandise en soit faict justice, et que ledict roy des merciers ou son lieutenant les fasse ardre et bruller en la place publique et que le marchand ou porteur de ladicte marchan-
