Toutes pierres fines et aultres pierres en œuvre

15. Tous boursiers, gantiers, esguilletieres, faiseurs de gibecières et tous aultres ouvrages de cuir.

16. Toutes peaux de bestes, tous souliers cirers de quelque couleur que ce soit, colletz, brodequins et aultres ouvrages de cuii^ et tous souliers, pendants a perche ou baston, estans en foire ou marché, sont subjectz audict roy des merciers.

17. Tous pourpoinctiers, contrepoinctiers (sic), faiseurs de chaussettes, vendeurs de toiles et aultres ouvrages que ce soit et généralement toutes choses qui se vendent ou puissent vendre en faict de marchandise, lesquelles ne se peuvent priser ne estimer que trop ou peu, est chose subjecte a mercerie et audict roy des merciers.

18. De observer, garder et tenir la subjection de quoy l'on doibt tenir l'un a l'aultre et audict roy des merciers et a sesdicts lieutenants et commis c'est a scavoir de observer et garder tous les serments, statuts et ordonnances et privilèges) ainsy que ung bon et loyal marchand peut et doibt faire, sans y faire aucune fraude ny abus, sur peine d'estre expulsés et despouilléz dudict serment et condamnez^ a la volonté dudict roy des merciers ou de ses