PREMIERE LETTRE A CATHERINE DE MED1CIS

19 janvier 1568.

Madame, il vous plaira avoir souvenance de ce que je vous ay escript, longtemps a, que si n'estoit pour le parler du monde, le roy catholique lougeroit son fils en une prison , pour les désordres qu'il faisoit, et ne pouvant estre maistre de luy. Vostre Majesté voit que le temps en est venu : car le prince est prisonnier dans sa chambre, les fers aux pieds, les fenestres condamnées, grosse garde aux portes, et parle-on de le transduire à la Motte de Médine, ou en aultre fort chasteau , près de Valladolid, ayant dit ce roy, de sa bouche, audict prince qu'il le traictera en roy et non en père.

Je mettre peine de sçavoir au vray l'occasion de sa prinse , bien que le bruict commun est qu'il vouloit tuer son père, ou s'eslever avec quelqu'un de ses royaumes, et ne fairay faulte d'en advertir Vostre Majesté

(') Il reetifie ceei dans sa lettre du 22 janvier.

au premier jour , m'estant advis que ce faict pourroit bien avoir rompu, non que retardé, le mariage dudict prince avec l'aisnée de Bohesme. Et ne sçaurois dire si Ruy Gomès entendoit parler de ce qui est advenu, aux discours que je vous escripvis avoir eus avec luy peu de jours devant les dernières couches de la royne vostre fille, me disant qu'il falloit voir ce que Dieu donneroit à ladicte dame, pour résouldre là-dessus tout plein de belles choses. Dieu vous ayme, madame, et il luy plaira conduire vos sainctes intentions à bon port, nonobstant tous empeschements. De Madrid, le 19 janvier 1568.