AUTRE RONDEAU

Pan et Phebus, ne soyez pas despitz, Resonnez sons d'instrumens faictz d'espis; Faictes sonner, par boys et champs, sonnette. Muse CUo, en dict et chanson nette, Remettez sus vos esperitz sopis.

Puisque les maulx sont remys et tapis, Estends, Juno, tes trésors et tapis.

Ce sacré jour, soubz une chansonnette Pan et Phebus.

Pauvres bergiers, ne doubtez avoir pys Qu'avez souffert ; mais prenez pieux et picz, Pour deffendre vostre bergeronnette.

Toute belle, pure et bergère honneste.

Son sainct Concept vous apporte respys, Pan et Phebus.

ELEGIES

DE lAN DOVBLET

DIEPPOYS.