FRAGMENT

« Après la résurrection nostre Seignour Jhésu-Crit 749 anz, avint que li rois de France * et li cuens Girarz de Rossillon havoient à femmes deux serors. En celui temps , li diz Girarz tenoit grant partie de Borgoingne , et si estoit nobles de lignaige et prisiez d'armes et habondanz de richesces , et estoit très-pruchains par affinité des rois Looys très-piteux et Challot ses fils.

« Berthe sa femme estoit bien à lui igaux de lignaige et de valour, et moût estoit aornée de bones mours. Mas à la parfin, comme la renommée de lour poissance et de lour nobles faiz fust

1 Par l'historiographe anonyme, manuscrit, à la Bibliothèque du Roi,: Suppl. fr., n. 632".

s Pépin le Bref.

venue jusques as oreilles de son serorge lou roy, envie, qui est costumière de départir les charnex amis, esmuit le roy contre ledit Girart, tant que li rois le vout giter fors de sa terre, et par plusors foiz le cuida grever, et entra dedanz sa terre et Pasija en son chastel. Et avint qu'il se combatirent en champ meslé par douze foiz, et par douze foiz li diz Girarz enporta la victoire contre lou roy de France, et à la parfin il furent ensemble acordé ; et quant li nobles cuens et la noble contesse furent acordé au devant dit roy, il qui pas n'avoient obliées les honors et les bontez que nostres Sires lour avoit faites, si s'amendèrent de jor en jour et donèrent largement à cels qui Deu doutoient et amoient, et estaient en vigiles, en jeûnes, et en oroisons, et en bones cevres, selonc lour pooir. 11 orent des hoirs de lour cors, filz et filles, mas il trespassèrent de cest siècle en brief..., et départirent en douze parties lou plus de lour patrimoinnes, et fondèrent sus celui douze abbaïes, et en chascune mirent douze genz de religion por faire lou servise nostre Seignor. Entre les autres religions, il fondèrent une abbaïe ou mont de Vézelai. . . . *. »

« 2 Ci commance la Vie de Girart de Rossillon, etc. Ce sont li fait d ou très-noble conte Girart de Rossillon.... Ciz très-nobles bers resplendit auxi comme li ordenance de l'estoire des croniques de chascun an lou démostre certainement et clèrement dessouz iiij rois de France 3, c'est à savoir : Charle le très- vaillant, Looys son fil.... A la fin il pertenoit par droit héritaige très-grant partie de France, et governoit iceli par mervoillable justice, et profectoit par tout en faiz beneuroux et propres. Une noble pucele, ygaux à lui, li fu donée par loial mariaige, qui avoit à non Berthe, fille Hugon, conte de Sanz, qui estait née de nobles genz, plaine mervoilleusement de grant biauté; et auxi comme ele estoit noble de

1 Manuscrit suppl. fr., n. 632», fol. 142 v% col. 2, - 143 r°, col. 2.

2 Ibid., fol. 217 à 223 v°.

5 Gérard de Roussillon I", né au commencement du vin' siècle, a pu voir Charles-Martel, Pépin, Charlemagne et Louis le Débonnaire.

lignaige, ele estoit noble de bones meurs. Li rois de France.... l'autre seror maindre de celi, qui havoit non Aloys, havoit prise à feme par léal mariaige, et havoit mis en son réaume à grant compaingnie réal.

« Entre ces choses, li pères et la mère d'iceles furent mort, trèscruex tançons ploine de pleurs et de larmes muit entre le roy et Girart, de quoi sont meu tante péril, tant millier d'omes détrainchié et occist, tante mur trabuchié et tante maisons arses que nule langue d'omme nou porroit raconter; quar li rois, orguilleux por la hautesce de la seignorie réal, faisoit folement panre la terre à lui par droit de héritaige; mas Girarz s'efforçoit auxi acquerre ladite terre à lui por raison de l'ainznée fille. Après ce, par aucune mauvaise fainte, ploinne de barat, d'aucuns mauvais faite contre Girart, li rois, iceli néant porveu gita enchacent fuer de son réame, et le gita fuer de sa terre nativel, et mit fuer de sa propre possession. . . Et certes li diz Girarz ne fu onques congneuz de sept ans, mas mena vie poure etaspre.... A la fin... il commença faire dévotement ce vil mestier de charbon par quoi les huevres de fèvre sont faites, et détraihoit en apert et portoit granz charges à ses propres espaules, et acquéroit son vivre en tel manière et en vivoit pourement; et certes sa femme aprit diligemment à taillier et à coudre, et acquéroit auxi sa viande d'un chascun jour

« Lou temps des sept anz trespassé, li noble hermile sont reampli erramment de la grâce et des dons dou Saint-Esperit, quar il orent faite digne pénitance à Deu; et certes, icelui ordenanj, et facent en laquel seignorie tuit li réaume sont, et sanz laquele volante une fuelle d'arbre ne une passerote ne chéent à la terre, il desservirent en tel manière estre rapelé à lour propres chouses, à l'aide de Deu, par la reyne, selonc ce que David dit : INostres Sires adresce les malmis, nostres Sires desloielesamprisonez...

« Adonc quant Girarz out paisible paiz et sanz nul movement, à l'aide de Deu, il vuet mener à œuvre ce qu'il havoit çà en arriers porté longuement en son piteux cuer. Il havoit engendrez deux enfanz, c'est à savoir un fil qui havoit à non Théodure, li quex fenist

sa vie dedanz l'espace d'un an ; il estoit innocenz et fu ajoslez as ceaus en la compaingnie des innocenz ; et une fille qui havoit à non Eve, laquele devancist la mort de son père et de sa mère par coitouse mort. Quant lor enfant furent mort, il emprirent plus forment et plus ardemment à acomplir par fait de œvre ce qu'il havoient jà pieçà porté en lour pansser : en la fin, en l'onor des douze Apostres nostre Seignour ou pour l'ensoigne des douze victoires de bataille as quex la débonairelez de Deu les havoit magnifiez, firent faire douze abbaïes... Entre les autres abbaïes il en firent deux moût nobles , c'est à savoir Verzelai et Poutères, ensemble granz reliques de sainz enqui aportez et privilèges de franchise dotiez de par Romme, et sont de toutes parz noble et honorable. Il firent auxi une abbaïe dessoz la cité d'Aucuerre, auxi comme lor privilège le démonstrent, orendroit de chanoines que l'on dit à saint Père ; derechief il en firent une autre en la dyocise de Saissons, qui est de chanoines , et sont orendroit séculer, et i dit l'on à sainte Marie Magdelène dou Mont ; derechief une autre en Flandres, qui sont jà auxi de l'ordre des chanoines, et ne sovient orendroit de lour non, mas nous les veismes jadis que l'on les afermoit chanoines et norriz doudit Girart, de laquele abbaïe de voir furent aportées jadis à Poutères doues moût bêles figures d'anges et i sont gardées à grant révérence.

» Les autres abbaïes nos ne conoissons pas, quar eles sont assises loing de nous ou en la soveraine Borgoingne, et aucunes en sont cheues et esl'acies par l'ancieneté dou tans ou sont muées par lou changement des ordres. Anseurquelout aucunes des abbaïes Girart sont afermées estre anquor en la vile de Laingres , mas, por ce que nous n'an savons pas bien la certeneté , nous amons miez taire que affermer folement aucunes choses frivoles.

« Li chasteaux fu réedifiez, mas il ne fu pas si fors comme devant, et lou tint li cuens Girarz toute sa vie, de son patrimoine, et i demora comme en sa propre maison, et est appelez li diz chasteaux par autre non, auxi comme nous l'avons devant dit, Rossil-

Ions, dou quel Girarz fu nommez, je sai ce qu'il hait autre chasteaux en la soveraine Borgoingne qui sont nommé par ce meismes non ; et est diz Rossillons auxi comme maistres de Romme, quar Silla fu jadis uns maistres consoilliers de Romme devant la seignorie des empereors, et cuident les genz qu'il feist Rossillon, et que il li meist cel non, ou il est diz d'un petit oiselot que l'on nomme vulgaument à bien près par cel meismes non, louquel on ot moût sovant chanter en la silve qui est dessoz, ou pour ce que la rosée l'arose moût sovant, por quoi l'on dit que la terre est plus crasse et plus planteureuse as costés et en l'aut de celé montaingne qu'ele n'est en aucunes autres montaingnes. Selonc ceste montaingne où ciz chasteaux siet, est assise l'abbaïe de Poutères qui est dite auxi comme attraïssant la poudre, quar li leus est pleins de boe, et est tost convertie en palu par les pluies d'yver.

« Adonc anvoia Girarz à Drogon, son père... et fu iciz Drogons fllz Dangobert qui fu très-nobles rois des Borgoingnons, et très puissanz, dou quel l'on trueve maintes choses escriptes as hystoires. Il anvoia par toutes les parties de sa seignorie, laquel duroit dois lou fluve dou Rim et partenoit en son propre droit jusques à Boemie,.... et havoit cent chasteaux moût très-forz et moût très-bien garniz, et dix granz citez moût riches : toutes ces choses il tenoit ou autres les tenoit de lui, et lenoit auxi Flandres et maintes autres choses dou roy. . . »