ÉLÉMENTS CARLO VINGIENS. —ANALYSES

Ions, dou quel Girarz fu nommez, je sai ce qu'il hait autre chasteaux en la soveraine Borgoingne qui sont nommé par ce meismes non ; et est diz Rossillons auxi comme maistres de Romme, quar Silla fu jadis uns maistres consoilliers de Romme devant la seignorie des empereors, et cuident les genz qu'il feist Rossillon, et que il li meist cel non, ou il est diz d'un petit oiselot que l'on nomme vulgaument à bien près par cel meismes non, louquel on ot moût sovant chanter en la silve qui est dessoz, ou pour ce que la rosée l'arose moût sovant, por quoi l'on dit que la terre est plus crasse et plus planteureuse as costés et en Vaut de celé montaingne qu'ele n'est en aucunes autres montaingnes. Selonc ceste montaingne oii ciz chasteaux siet, est assise l'abbaïe de Poutères qui est dite auxi comme attraïssant la poudre, quar li leus est pleins de boe, et est tost convertie en palu par les pluies d'y ver.

« Adonc anvoia Girarz à Drogon, son père... et fu iciz Drogons filz Dangobert qui fu très-nobles rois des Borgoingnons, et très puissanz, dou quel l'on trueve maintes choses escriptes as hystoires. 11 anvoia par toutes les parties de sa seignorie, laquel duroit dois lou fluve dou Rim et partenoit en son propre droit jusques à Boemie,.... et havoit cent chasteaux moût très-forz et moût très-bien garniz, et dix granz citez moût riches : toutes ces choses il tenoit ou autres les tenoit de lui, et tenoit auxi Flandres et maintes autres choses dou roy. . . »

DKS PUINCIPAUX