LE KO Y

Parigot , tu diz vérité ;

Puis qu'il viennent , il me souffist ,

Et ce te sera grant prouffit

Que y as esté.

PREMIER BARON

Dieu vous croisse honneur et bonté , Mon très chier et redoubté sire î El tout autel vous vueil je dire , Ma chière dame.

BAUTHEUCH.

Dieu vous gart en corps et en âme , Mes chiers amis.

DEUXIÈME BARON

Chier sire , grant paine avons mis D'acomplir vostre mandement , C'est que sussions ' yci briefment Par devers vous.

LE ROY

Seigneurs , je vous en merci touz ;

■ Ne faut-il pas fussions

î36 MIRACLE Dli NOSTRK DAME

Puis que là voy ces .ij. venir , Je ne vous pense pas tenir Cy longuennient.

TROISIÈME BARON

Pour monstrer que tout plainement Voulons faire voz volentez , Chier sire , nous sommes hastez De venir tant qu'avons peu , Si tost que nous avons scéu Que nous mandez.

LE ROY

Seigneurs , se vous me demandez Pour quoy c'est que je vous assemble , Dit vous sera à touz ensemble ; Mais je ne vous le diray mie.

Ma chière compaigne et amie La royne le vous dira Qui bien dire le vous sara.

Car , seigneurs , se le vous disoie , Si garder jà ne me saroie Qu'il ne me convenist des yex Plourer , et taire si vault miex Que de ce fait ci me descharge, Et qu'elle en ait pour moy la charge De le vous dire.

Kï DE SAINTE BAUTHFA)CH. iSy

QUATRIÈME BARON

Je tien que dites bien , chier sire, Qu'il est vérité que plorer De pitié , souvent demourer Fait la parole à descouvrir , Et l'entente du cuer ouvrir , Ceci est voir.

LE ROY

Dame , avant, faites leur savoir Sanz plus attendre.

Mes amis , vueilliez moy entendre , Puis qu'à monseigneur le roy plaist , Son fait vous diray à court plait :

Désir a et entencion D'aler par grant dévocion Visiter les lieux , ce m'est vis , Où Jhésu-Crist fu mors et vis ; Et puis que faire y veult les pas.

Je ne l'en destourneray pas ; Mais avant que à ce fait se aherde , Afin que son règne ne perde , Ne ne deschiée aucunement , Par deffault de gouvernement , Il vous requiert , et je si vueil ,

Que regardez , par bon conseil , Qui gouverner bien les pourra Jusques à tant que Dieu Tara Cy ramené.

PREMIER BARON

S*est-il si voué ne donné A ce pèlerinage faire?

Que ne s'en puit , sanz soy meffairc , Abstenir ent?

BAUTHEUCH.

L'ait ou non voué ou couvent A Dieu , puis qu'il y a plaisir, Je li conseil que son désir Acomplisse tost et briément.

Et j'ay ceste foy vraiement , Ne cuidez point que je devine , Que l'inspiracion divine

L'a meu et meut.

DEUXIÈME BARON

Ma très chiére dame , estre peut.

Toutesvoies s'il povoit estre Que se déporlast de soy mettre En tel chemin , et demourast , Et que son royaume gardast , Moult bon seroit.

KT DE SAINTE BAUTHEUCH. l3q

LE ROY

Seigneurs , sachiez qui me donrroit Plus que mon royaume ne vaille , Ne me tenroie que n'y aille ; Si que tant com vous m'avez chier, Conseilliez moy , ce vous requier , Sur ce que la royne a dit , Et m'en vueilliez sanz contredit Vostre avis dire.

TROISIÈME RARON.

Seigneurs, il est nostre droit sire.

Obéir li devons par droit ; Traions-nous un po ça endroit Et si aions conseil ensemble , De neccessité ce me semble Le vous fault faire.

QUATRIÈME RARON.

C'est voir. Ne vous vueille desplaire , Chier sire , se prenons advis Et conseil sur vostre devis , Car il y chiet.

LE ROY

Seigneurs , il me plaist bien et siet , Et c'est raison.

l4o MIKACI.E DE NOSTRE DAME

PREMIER CHEVALIER

Ore, seigneurs, il est saison De regarder entre nous hommes Qui ci pour le fait du roy sommes , Comment nous li responderons , Et de qui li conseillerons Que régent face.

DEUXIÈME CHEVALIER

11 me semble qu'en ceste place , N'a qui en doie de nous touz Commencier à parler que vous , Bon duc d'Orliens.

TROISIÈME BARON

Souffrez vous , je n'en feray riens , 11 y a trop plus souffisant :

Je ne scé ne q'un paisant

Qu'à ce appartient.

DEUXIÈME BARON

E sanz rioter, il convient Que diez , sire.

ET DE SAINTE BAUTHEUCH. l /] I

TROISIÈME BARON

Puis qu*il fault que je doie dire Premier , vezci m'oppinion , Soubz la vostre correction :

Le duc des Normans pour régent Nomme et di sur Françoise gent, Et pour estre leur gouverneur ; Il est sages et plain d'onneur Et scet bien estre \

QUATRIÈME BARON

Aussi li vouloie-je mettre , Moi et vous sommes d'un accort ; A-il de vous nul a descort En ceci , die ?

ERCHENOALZ.

Seigneurs , le duc de Normandie

Est bien souffisant , dire Pose ,

Pour tel fait faire et plus grant chose ;

* Il n'est pas douteux pour nous que le poète , par une transposition fort ordinaire aux écrivains de son temps, ait voulu désigner, par ces deux personnages du duc d'Orléans et du duc de Normandie, Philippe duc d'Orléans et Jean duc de Normandie , depuis le roi Jean , tous deux fds de Philippe de Valois, sous le règne duquel fut composé ce Miracle. A. Deville.

l/[l MIRACLE DE NOSTRF. DAME

Car plain est de sen et d'avis.

Et non pour quant m'est-il avis Que nous le pouvons bien laissier , Et un autre , sanz nous blecier , Pour régent prendre.

PREMIER CHEVALIER

Et qui? Faites le nous entendre , Se se savez.

ERCHENOALZ.

C'est très bien dit, et droit avez :

Nostre roy que Dieu gart de mal ,

Et la royne au cuer royal ,

Ont tant par mariage ensemble

Esté que ont .11. filz , ce me semble ,

Que véons hommes devenir ,

Pour terre des ormais tenir ;

Dieu les croisse et vueille amender !

Qui devront par droit succéder

Le règne , quant il avenra

Que le roy trespassé sera

Et qu'il seront faiz roy s de droit.

Si vous demande ci endroit ,

Ne vault-il pas miex que l'ainsné

Soit de maintenant couronné

Et fait régent en lieu du père

Que un estrangé tant qu'il appère

Qu'il ait acompli son voyage , Et que après son pèlerinage , Si tost comme il sera venuz , Soitcon devant pour roy lenuz?

Et ait son royaume et le tiengne , Non pas le filz , tant qu'il aviengne Que par nature aage l'affine , Si que vie humaine en li fine ?

Respondez moy.

DEUXIÈME CHEVALIER

Sire , il me semble , par ma foy , Que le miex avez avisé De quanque avons ci divisé A ce conseil.

PREMIER BARON

A vostre oppinion me vueil Tenir , sire , qu'elle me semble La meilleur ; et vous touz ensemble , Qu'en dites-vous?

DEUXIÈME BARON

Je dy pour touz , si faisons-nous.

Or avant, nous sommes d'accort ; Qui fera au roy ce rapport?

Regardons y.

TROISIÈME BARON

Qui le fera ? ce seigneur ci , Se j*en suis créu , le fera ; Au roy bien dire le sara ,

N'en fas point double.

PREMIER CHEVALIER

Or soit ; la compagnie toute En est d'acort. Sans plus ci estre , Pensons de nous au chemin mettre Devers le roy.

QUATRIÈME BARON

Alons , mais c'est par vostre ottroy , Seigneurs , que la parole preng Que au roy diray , et se mespreng A parler que vous l'amendez.

Très chier sire , vous demandez Que regardons qui bon sera Qui vostre règne gardera , Tant que ramené vont ait Diex ?

Nous n'y savons homme qui miex Le puisse ne doie garder , Quant à proprement regarder , Que vostre ainsné fîlz , ce nous semble ; Si vous requérons touz ensemble Et prions qu'il vous vueille plaire ,

ET DE SAINTE BAUTHECCH. l45

Puisque ce chemin voulez faire , Qu'en lieu de vous le coronnez , Et du tout li abandonnez Vostre royaume à gouverner , Jusques à vostre retourner Tant seulement.

LE ROY

Seigneurs, je m*acors bonnement Et m'assens à vostre requeste , Si vueil qu'en Teure vous soit faitte.

Dame royne , or tost bonne erre Envoiez me voz .ij. filz querre Par aucun âme.

BAUTHEUCH.

Tantost, sire. Gênais!

GENAIS.

Ma dame

BAUTHEUCU.

Alez , sanz vous plus ci tenir , Noz .ij. filz faire ici venir

Devant leur père.

GENAIS.

Je vois , ma dame ; par saint Père

l46 MIRACLE DE NOSI'RE DAME

Assez lost vous les verrez ci.

Ma chière dame , véez les ci Tous .ij., véez.

LE ROY

Ne vous sera pas denées , Seigneurs , ce que m'avez requis :

Puis que voslre conseil ay quis , Je le tenray, soiez en fis.

Venez avant , mon ainsné filz ; En lieu de moy vous fas régent De mon royaume et de la gent; Et dès maintenant m'en desmet Et en mon lieu vous y conmet , Mon chier filz , et vous en couronne Comme roy , par ceste couronne Que ou chief vous met , jusqu'à celle heure Que revenray. Se je demeure Ou voyage , ou se je trespasse , Diex à m'âme vray pardon face Par sa merci !

l' AINSNÉ FILZ.

Tant com je puis vous en merci ,

Mon très chier seigneur , humblement ;

ET i>E SAINTE BAUTHEUCH. 1 47

Il appartient bien vraiement Et est raison.

Seigneurs , il est maishui saison D'aler m'en ; de vous pren congié , Puis que tant vous ay abregié Qu'avez régent.

PREMIER BARON

Mon chier seigneur , moy et ma gent Avecquesvous nous en irons, Et le saint voyage ferons Tel con ferez.

DEUXIEME BARON

Certes sanz moy mie n'irez , Très chier sire , mais qu'il vous plaise , En gré prendray aise ou mésaise Que g'i aray.

TROISIEME BARON

S'il vous plaist, sire, aussi g'iray Avecques vous.

QUATRIÈME BARON

C'est le plus bel , alons y tous , Puis que à ce vient.

l-'jS MIRACLE DE NOSTRE DAME

LE ROY

Ce ne se peut faire ; il convient, Seigneurs , qu'il demeure aucune âme , Pour les enfans et pour la dame Compaignier et donner conseil. Et pour ce ainsi ordener vueil , Mareschal , que vous demourrez ;

( " Des ij chevaliers. )

Et vous et vous aussi ferez.

Vous autres , seigneurs que ci voi , Vueil bien que veigniez avec moy.

Sus , oster vueil ce garnement ; Alez me querre appertement Un garnement à penne vaire Que pour ce voyage ai fait faire , Si m'en iray.

DEUXIÈME CHEVALIER

En l'eure le vous bailleray , Sire, tenez.

' Ceci est en marge du Ms. Il faillirait sans doute : aux deux chevaliers.

FT Dt SAINTE HALTHEUCH.

LE ROY

Dites , royne , çà venez :

Quand mis me serai au chemin , Sembleray-je bien pèlerin , En cest habit?

BAUTUEUCII.

Moult bien, sire, se Dieu m'aist, A ce que voy.

Ore , dame , priez pour moy , Et s'en faites aussi prier Souvent ; que sanz plus détrier , Je m'en vois , à Dieu vous commans.

Baisiez-moy ; et vous , mes enfans , Ne scay se jamais vous verray , Ma béneïcon vous donrray , Et Dieu sa grâce vous ottroit!

Partons, d'estre tant ci endroit Rien ne gaingnon.

BAUTHEUCH.

Mon chier ami , mon compaignon , Mon loyal seigneur, mon espoux , En sa garde vous ait le doulx Jhésus , qui vous vueillc conduire

l5o MIRAC[,E DE NOSTRE DAME

Si que riens ne vous puisse nuire , Et vous ramaint, par sa bonté , En vostre règne à sauveté

De corps et d'âme.

ERCHENOALZ.

Laissiez le plourer, chière dame , Il ne vous peut fors que meffaire , Et pensez d'autre chose faire Qui miex vous vaille.

BAUTHEUCH.

Certes, j'ay bien chier qu'il y aille , Que c'est le proufflt de son âme ; Et Dieu le vueille etNostre Dame.

Mais quant l'ai véu départir, J'ay bien cuidié que .ij. partir ' Déust mon cuer pour s'amistié.

Tant me prist de li grant pitié ; Si que pour lui je prieray Jour et nuit , et touz jours l'aray En mon mémoire.

^ Probablement pour <lpparlir.

ET DF SAINTE BAIJTIIEUCH . l5l

ERCHENOALZ.

Je croi bien que c'est chose voire Qu'il vous fist mal au départir ; Car cuer loyal ne peut mentir Où vraie amour est et habite , Mais fait son devoir et s'acquitte Envers ce qu'il aime touz jours , Soit de joie avoir , ou dolours Pour li porter.

BAUTHEUCH.

Ore, il m'en convient déporter, Ou vueille ou non.

ERCHENOALZ.

Ma chière dame , ce fait mon , A vous doloser rien ne vault ; S'il vous vouloit plaire , il me fault Jusques à mon hostel aler A seigneurs qui y sont parler Un petit, dame.

BAUTHECCU.

Il me plaist bien , sire , par m'âme ! Alez, ci plus ne vous tenez.

BAUTHEUCH.

Or avant , mes Heures prenez , Et vous en venez , damoiselle , Avec moy en celle chappelle.

Gênais et mes filz demourront ; Les massiers nous convoieront Jusques à Tuis.

LA DAMOISELLE

Je suis preste , ma dame , puis Qu'il vous plaist et le commandez.

Sus, beaux seigneurs , plus n'atendez , Faites à ma dame chemin , Et reculez ces gens , à fin

Qu'il n'y ait noyse.

PREMIER SERGENT

En Teure , damoiselle Ambroise ; Fuiez,fuiez.

DEUXIÈME SERGENT

L'un sur l'autre vous apuiez Sus luec derrière.

ET DE SAINTE BAUTHEUCH. lOO

BAUTHEUCH.

Seigneurs , alez vous eut arrière Tenir à mes filz compagnie , Que de ci ne m'en iray mie Encore en pièce.

PREMIER SERGENT

N'y a nul à qui bien ne siesse Ce qu'il vous plaist à commander ; Et leur voulez vous riens mander , Dame , par nous?

BAUTHEUCH.

Alez , nanil , mes amis doulx.

BAUTHEUCH.

Amoureux Jhésu , roy céleslre ,

Qui pour paix entre homme et Dieu mettre

Deignas en ce monde venir

Et filz de vierge devenir ;

Et puis pour nous oster d'enfer,

Te soufifriz estre à cloz de fer

Clofichié par piez et par mains ;

Doulx Jhésu , ne fu pas du mains

Que aussi fuz en croyz estenduz ,

Et d'un glaive au costé fenduz ;

l54. MIRACLE DE NOSTRE DAME

Et d'espines éuz ou chief

Chapel. Qui le fist ce meschief

Souffrir ne ceste desmesure ?

Ce qu'amé nous as sanz mesure.

C'est chose qui est vraie dicte :

Si te pri , sire , en la mérite

De ceste passion amère ,

Que sainte Église nostre mère

Tiengnes estable en ferme foy ;

Et après , sire , je te proy

Que vueilles garder de péril

Mon chier seigneur , le roy gentil ,

Qui , pour ta grâce plus acquerre ,

Si loing de ci te va requerre

C'en Jérusalem la cité.

Après, sire, par taboulé.

Mes filz gouvernes con les tiens ;

Et ce royaume en paiz maintiens ,

Si que touz jours glorifiez

Y soies et magniffiez.

Ha! Marie , vierge pucelle ,

Qui le filz Dieu de ta mamelle

Norris souef et alaittas

Comme ton filz , point n'en doublas ,

Vueilliez essaucier ma prière ,

Et je, com vostre chamberière,

Vous promet je ne partiray

De ci tant que tout dit aray Vostre sautier.