L*AINSNÉ

Je m'i accors; mais il convient Que véions comment soustenir Ainsi nous pourrons et tenir , Sanz contredit.

DEUXIÈME FILZ

Il est voir, c'est sagement dit :

A ce ci fault avoir regart ; Or y pensez , se Dieu vous gart , Je si feray.

l'ainsné.

Voulentiers. Ho ! je vous diray , Frère , ma pensée et m'entente :

Faire vueil garnir sanz attente De gens d'armes toutes les villes , Les chastiaux , les pors et les illes Par où il li faulroit passer , S'en ce règne vouloit entrer ; Afin qu'entrée , ne passage Ne truit par terre ne par nage , Par quoy se mette en ce royaume.

Je meismes , ou chief le heaume ,

Fer vestu, Tespée ou poing destre, Li pense bien à rencontre estre , Pour li l'entrée contredire.

Je croy que si ferez vous , sire ; Ne ferez pas?

DEÎJXIÈME FILZ.

Chier frère , dès ysnel le pas Que vous vous metterez à voie , Je vous suivray , se Dieu uie voie , N'en doubtez goûte.

l'ainsné.

Faisons le bien , prenons la route Dès maintenant de cheminer ; Alons garnir et ordener Noz villes et chastiaux de gent.

Se nous n'en sommes diligent Ains qu'il viengne rien ne ferons , Mais descharrons et fauderons A nostre entente.

DEUXIÈME FILZ

Alons m'en donques , sanz attente , Monter là hors sur noz chevaulx ; Nous en serons pas mons et vaulx Mains traveilliez.

tT DE SAIJNTK BADTHEUCH. I '" l

LIENIN.

Puisque je me suis despoilliez De tous mes sales garnemens , Et qu'ay pris plus nez vestemens , A la royne vueil aler Et d'une chose à li parler Que je scé puis .i. mois entier ; Dire li vueil et raconter Ce que j'en scé.

LlÉNIN.

Ma chière dame , Diex vous doint paradis à Tame Et longue vie !

BAUTHECCH.

Liénin , et il te gart d'envie , D'ire, d'orgueil et de dépit î S'a dire m'as rien, sans respit Di le me , amis.

LIÉNIN.

Pour ce à ci venir me sui mis.

Je vous ay jà , dame , endité Que le roy vient pour vérité , Et sachiez ci bien bref sera Qui contraire ne H fera ; Mais tant vous dy-je , ce sachiez , Qu'en orgueil sont cy afichiez Voz filz , qu'il n'est chastiau nés un , Cité , ne ville de commun , Par où pensent que venir doie , Qu'il n'aient estouppé la voie.

Tant y ont assemblé de gent D'armes ; les uns ont par argent , Les autres par belles prières Et par grans dons de choses chières.

Et vous dy bien, où qu'il le truissent , Di donront bataille ains qu'il puissent Souffrir qu'il entre en ce royaume.

Maint bacinet et maint heaume Avec eulz ont.

BAUTHEDCH.

Ore , puis que ce fait il font Par orgueil et oultre cuidance , Je pri à Dieu que congnoissance

Et repantance leur en doint , Telle que ce fait leur pardoint.

BAUTHEUCH»,

Mes amis , je vous vueil prier Qu'il vouz plaise, sanz détrier, Aler où monseigneur sera.

Liénin avecques vous ira Qui vous menra hors des maux pas ; Quant le verrez , n'obliez pas A li pour Dieu compter et dire Comment l'entrée contredire Li veulent ses filz de sa terre ; Et comment pour li donner guerre Sont alez de li au devant.

Et qu'il se gart d'or en avant D'eulx par amour.

PREMIER CHEVALIER

Chière dame , sanz nul demour Feray voulentiers ce voyage ; Et ce qu'avez dit com message Bien li diray.

DEUXIÈME CHEVALIER

Puis qu'avec li , ma dame , iray

ir4 MIRACLE DE NOSTRE DAME

S'aucune chose en oubli met , Bien li saray , je vous promet Ramentevoir.

BAUTHEUCH.

Or en faites vostre devoir , Mon ami chier.

PREMIER CHEVALIER

Ma (lame , adieu sanz plus preschier.

PREMIER CHEVALIER

Venez vous ent , venez , Liénin , Et nous dites par quel chemin De ci irons.

LIÉNIN.

Mes seigneurs , ce chemin tenrons Touz jours à destre.

l'ainsné.

Biaux seigneurs, nous nous venons mettre En vostre compaignie , pour ce

Que avant que guerre vous soit sourse Vous soiez de nous confortez.

Et si ne vous desconfortez , Que s'il avient qu'aions bataille Nous y serons premiers , sanz faille , En bon arroy.

PREMIER SODOIER.

vive , vive , vive tel roy , Que si bel en son fait se porte Que soy meismes point ne déporte Qu'il ne vueille des premiers estre En bataille , s'il s'i fault mettre ;

C'est grant bien d'omme.

DEUXIÈME SODOIER.

Aussi , par saint Père de Eomme , Sa besongne miex en ira , N'en doubtez , quant on le verra Présent au fait.

LIÉNIN.

Or sachez que tant avons fait Que monstrer vous puis , seigneurs douz , Le roy qui vient encontre nous ; A li bonne erre.

PREMIER CHEVALIER

Celui Dieu qui fist ciel et terre , Sire , vous ait en bon jour mis , Et dessus touz voz ennemis

Vous doint victoire !

LE ROY

Mes chiers amis , le roy de gloire Vous ait mis en bonne sepmaine !

Dites moy qui ci vous amaine Sanz attendue.

DEUXIÈME CHEVALIER

Nous venons vostre bien venue Querre , n'en soiez mal paiez , Et qu'à ces .ij. ci la paiez Et à moy tiers.

LE ROY

Je la paieray voulentiers , Seigneurs , par la Vierge bénigne , Dites moy que fait la royne Et ces .ij. filz?

PREMIER CHEVALIER

Sire , soiez certainz et fiz , Quant est d'elle , elle a mal parti; Ses filz de touz poins départi Se sont d'elle et de son conseil.

Oultre , sire , par leur orgueil , Ont tant assemblé de gens d'armes A fer vestuz et à guisarmes , Que chascun en est esbahiz ; Et ont tout pourpris le païs Qu'ilz scevent et pevent tenir , Où vous doiez plus tost venir ; Et y ont bons chastiaux fermez , Afin soiez ent affermez , Que ne puissiez avoir puissance D'entrer ou royaume de France , C'est leur entente.

Vous touz , je vous pri sanz attante Que sur ces choses me vueilliez Aviser , et me conseilliez Que j'en feray.

PREMIER BARON

Mon chier seigneur , je vous diray:

Quant guerre est entre enfans et père , C'est trop dure chose et amère , Et les enfans trop griefment pèchent Qui le droit de leur père empeschent ; Je le di pour ces enfans ci Qui contre vous s'efforcent ci De chevauchier à longue règne , Qui tolir vous veulent le règne De France , qui vostre est de droit.

Après je regars ci endroit Que tant par dons comme par force Chascun d'eulx ensuivre s'efforce , Et tant ont jà acquis d'amis Qu'en leur povoir est jà soubzmis Le royaume, dont me merveil; Si que , sire , dire vous vueil En la main Dieu tout vostre affaire Mettez , qui le sara miex faire Que nul homme humain tant soit hault ; C'est cil qui nulles foiz ne fault A ceulx qui ont leur espérance Du tout en li et leur fiance :

Ainsi le tien.

DEUXIÈME BARON

Mon chier seigneur , il dit très bien : Et oultre , pour ce qu'il n'appère

Que vous les vueilliez comme père Par orgueil vaincre et surmonter , S'il vous plaist , leur iray conter Et déprier que plus n'attendent Que de leur mefifait ne s'amendent , Ains que la guerre plus approuche , Et aussi pour le grant reprouche Qu'à touz jours en pourron avoir , Leur saray bien ramentevoir, N'endoubtez, sire.

LE ROY

S'il vous plaist à leur aler dire , Sire , bon gré vous en saray , Et une autre foiz je feray

Pour vous autant.

DEUXIÈME BARON

Chier sire , g'y vois pié bâtant , Bien leur diray, se je ne fail.

Emploie tien bien mon travail , Se mes seigneurs puis en paiz mettre.

DEUXIÈME BARON

Les .ij. filz du roy voy là estre ,

l8o MIRACLE DE NOSTRE DAME

Je me vois devant eulx offrir.

Dieu qui pour paix voult mort souffrir , Mes seigneurs , sa paix vous octroit !

Com messages vien ci endroit Parler à vous.

l'ainsné filz.

Voulentiers orrons , amis doulx , Que voulez dire.

DEUXIÈME BARON

Vostre père vous requiert , sire , Doulcement que pour la pitié , Pour Tonneur et pour Tamistié Qu'enfès doit à père porter , Que vous vous vueilliez déporter De la foleur qu'emprise avez , Et comme roy le recevez , Et vous repentez du meffait Que vous avez contre li fait , Et il ara de vous merci ; Voire , car il vous mande ainsi.

De mesprendre n'est pas merveille , Puis que repentir on s'en veille , Mais merveille est quant on mesprent Et on ne s'amende et repent ; Et pour ce aussi , ce mot y mez ,

ET DE SAINTE BAUTHEUCH. l8l

Que reprouche n'aiez jamais De ce péchié.

l'ainsné.

Sire , avez vous assez preschié ?

Je vous di, pour le premier point , Que de père n'avons nous point; Ne vouloir n'ay point qu'il m'aherde A ce que la coronne perde Pour homme nul qui s'en efforce , Se par armes et par grant force Ne m'est tolue.

DEUXIÈME BARON

Sire , de vous me soit rendue Responce. Quelle la diray, Quant au roy monseigneur venray Clodoveus ?

DEUXIÈME FILZ

Se maishuit es ici véuz , Tu aras de ton corps hontage ; Et se lu ne fusses message , La teste en l'eure te coppasse Ici endroit en ceste place.

Va-t'en de ci*

DEUXIÈME BARON

Chier sire , la vostre merci ,

Je m'en vois donc sanz plus ci estre.

DEUXIEME BARON

Biau sire Diex , père célestre !

En grant péril me sui bien mis , Quant je m'ay en telx ennemis Osé embatre.

LE ROY

Seigneurs , alons-m'en sanz débatre Contre mon ami que là voy Venir ; si sarons se pour moy Rien fait ara.

TROISIEME BARON

Alons , au moins il nous dira Comment il s'est entre eulx prouvé , Et ce qu'il a en eulz trouvé Et leur convine.

LE ROY

Celle qui des cieulx est roine, Mon ami , vous doint hui bon jour !

Pour Dieu , dites-moy sanz séjour :

Pourray-je en mon royaume entrer Paisiblement , sans contrester , Ou s'a mes filz aray meslée ?

Je vous pri , ne m'en soit celée La vérité.

DEUXIÈME BARON

Chier sires , par la trinité , Onques mais , dire le vous vueil , Ne trouvai gens où tant d'orgueil Eust desmesuréement ; Et si ne croy pas nullement Qu'entre eulx et vous paix se puist faire , Tant sont gens d'orgueilleux affaire ; A bien po qu'il ne m'ont du corps Fait honnir ; et si vous recors Qu'ils ont si grant ost assemblé , Que pour voir ne m'a pas semblé , Ne ne me semble pas encore , Que pour aide qu'aiez ore Vous puissiez à eulx contrester, Quant ce Viendra au fort traicter ,

Que sur vous ne chiée la perte , Se Dieu n'i fait miracle apperte ; Jà n'en doublez.

LE ROY

Biaux seigneurs, un po m'escoutez :

Je voy bien que nostre secours , Nostre aide et nostre recours N'est fors qu'en la main Dieu , c'est voir, Qui est, ce devez vous savoir.

Fontaine de toute droiture , Et tout puissant de sa nature.

Or est-il en telle manière , Nostre querelle est droiturière , Mettons-la du tout en sa main , Et séur me tien et certain , Puis qu'il est tout puissant et fort' Et qu'à nul ne fist onques tort, Qu'i nous en donrra nostre droit , Si que alons les trèsci en droit , Séurement tost assaillir, Et vous verrez que , sanz faillir , Diex tellement les abatra , Qui avec nous se combatra , Que de touz poins vaincuz seront Et fussent plus gent qu'il ne sont , Ce n'est pas double.

QUATRIEME BARON

Sire, voslre volonté toute Ferons , nous en sommes d'accort ; Sachiez pour vie ne pour mort Ne vous lairons.

^ LE ROY

Sa , tandis qu'armer nous irons, Liénin , à Bautheuch t'en iras La royne , et si li diras Que faire me vueille secours De quanqu'elle pourra le cours , Et que à li je me recommans Tant come je puis , et li mans Qu'à Dieu de cuer prie et recorde Que , par sa grant miséricorde , Entre les enfans et moy père Juge tellement qu'il appère La querelle estre si partie , Que de Tune et l'autre partie Soit le prouffit.

LIÉNIN.

Sire, par celui qui me fit.

l86 MIRACLE DE NOSTRE DAME

Sachiez d'errer ne fineray Jusqu'à (ant que à elle seray.

LIENIN.

Je m'en vois tout droit ce sentier , Il m'est trop bien d'errer mestier.

Or ay-je tant fait , la Dieu grâce , Que la royne voy en face ; Saluer la vois de plain sault.

LIENIN.

Ma chière dame , Dieu vou sault , Et vous doint joie !

BAUTHEUCH.

Liénin, amis, pour Dieu que j'oie Que fait mon chier seigneur le roy Ara-il de paiz nul arroy

Vers ses enfans?

LIÉNIN.

Nanil , dont il a grant offens ;

Eï DE SAINTE BAUTHEUCH. iB-J

Il sont de voulenté trop fière.

Si vous mande en ceste manière Que de tout ce que vous pourrez Avoir de gens le secourez , Et sur tout espécialment Que Dieu priez dévotement Que , par sa bonté pure et fine , Tellement leur querelle affine Et attrempe comme vray juge , Que chascune partie y juge Prouffit avoir.

BAUTHEUCH.

Amis , j'en feray mon devoir, EnTeure plus ne m'en parlez.

BAUTHEUCH.

Gênais , mon chier ami , alez A touz mes amis , sanz détri , Et leur dites que je leur pri , Sur quanqu'il ont à moy d'amour , Que à mon seigneur sanz nul demour Voisent aidier.

GENAIS.

Chière dame , par saint Didier , Très voulentiers.

Or tost donques , endemantiers.

Je m'en vois en mon oratoire.

Mère Dieu , royne de gloire , Qui les desvoiez ravoiez , Le roy monseigneur ravoiez Contre ses enfans , tellement Qu'il ne le puissent nullement Grever ny en biens , ny en corps.

Et vous , doulx Diex miséricors , Aux enfans donnez congnoissance De leur mefifait , et repentance , Si qu'il ne perdent pas les âmes , Mais qu'ilz desservent estre dames Et roy nés en paradis.

Bailliez ça mes Heures ; tandis Qu'à loisir sui si , les diray ; De ci endroit ne partiray Mie si tost.

ET DE SAINTE BAUTHEUCH. I 8g

LA DAMOISELLE

Je les vous bailleray tantost , Dame, tenez.

DIEU

Avecques moy , mère , venez , Jehan, et vous anges, or sus; Je vueil aler jusques là jus.

Sus , puis qu'estes à voie mis , Or avant , chantez mes amis En alant là.

GABRIEL

Nous ferons ce qui vous plaira.

Or sus , disons sanz attente :

RONDEL

Vraiz Diex, moult est excellente Vostre bonté souveraine Et de grant charité plaine , Car vostre grâce présente A toute personne humaine.

Vraix Diex, moult est excellente Vostre bonté souveraine , Puis qu'elle a cuer et entente Et qu'à ce désir l'amaine Que de vous servir se paine.

Vraix Diex, etc.

go MIRACLE DE NOSTRE DAME

DIEU

Bautheuch, soies toute certaine Que ta prière ay recéu En gré , pour ce que j'ay véu Que des âmes le sauvement Requier , non pas le dampnement.

Ton désir te sera ampli Assez briefment et acompli.

Tant te di ceulx qui ont meffait Fault qu'ilz soient pugniz de fait En ce siècle ou en l'autre , lors Qu en terre porriront les corps , Ce n'est pas double.

NOSTRE DAME

Pour ce que t'espérance toute As mis en mon filz et en moy , Venons nous ci , Bautheuch , pour toy Réconforter.

DIEU

Mère , et vous touz , sanz déporter R'alons nous ent.

ÏT DK SAINTE BAUTHEUCH.