L EXECUTEUR
M'appeliez vous ? Seigneurs , ouan M'ont par plusieurs foiz appelle ,
IT DE SAINTE BAUTHF.UCH. 103
Qui m'ont moqué et rigolé.
Que voulez vous ?
PREMIER SERGENT
Le roy si vous mande , ami doulx , Que veigniez à li sanz eslongne ; Il fault que li faciez besongne Qu'il vous dira.
l'exécuteur.
Je feray ce qui lui plaira Tost sanz délay.
DEUXIEME SERGENT
Tant quis l'avons qu'amené l'ay , Chier sire , vez le ci en place.
Dites li que voulez qu'il face , Il sera fait.
LE ROY
A ces .ij. si, pour leur meffait, Vueil que d'un fer chaut te déduises , Si que touz les jarraiz leur cuises , Afin que la force des corps Perdent du tout, c'est mes accors.
Et se ne t'y veulz assentir , Ci te feray sanz alentir Coper le chief .
l'exécuteur.
Elas ! c'est pitié et meschief , Seigneurs, qu'estes ainsi perduz.
Or n'aiez pas cuers esperduz , Mais vous vueilliez hardiz offrir A ce c'on vous fera souffrir En pacience.
LE ROY
Sanz faire plus longue loquence , Délivre toy.
l'exécuteur.
Sire, je vois querre de quoi.
Je croy que tost sui revenuz.
Il convient que soient tenuz :
Seigneurs , cestui ci embracez Vous .ij. fort, et ne le laissez.
Sa , ces jambes me fault estendre , Et les jambes derrière fendre.
Tenez bien ce que vous tenez , Car assez tost con forcenez Le verrez estre.
PREMIER SERGENT
De ce ne vous doublez non ^ maislre , Faites touzjours.
l'ainsné.
Haro ! Diex, haro ! à touzjours Sui perduz. Ha , mon très chier père , Merci vous requier , pour saint Père , Faites moy grâce.
• l'exécuteur.
Desliez-le sanz plus d'espace , Seigneurs , et le laissiez tout coy ; Jamais n'ara force de quoy Il face de son corps biau fait.
Avant, aussi come avez fait L'autre, cestui vous fault tenir ; Puis qu'à ce li convient venir.
Délivrez-vous.
DEUXIÈME SERGENT
Or ça ne tenra pas en nous Faites besoingne.
' Ne faudrait- Il pas mon maistvc ?
to8 miraci.î: de nostre dame
l'exécuteur.
Si vueil-je faire sanz eslongne ; Puis que au premier failli n'ay pas , Le second vueil ysnel le pas Exécuter.
DEUXIÈME FILZ
Las! las! dire puis sanz doubler Qu'à touzjours mais suiz meshaignié.
Ha ! frère , n'avons rien gaingnié * D'avoir guerroie nostre père ; Chascun de nous .ij. le compère Trop chièrement.
l'ainsné.
C'est voir , biau frère , vraiement Chier l'achetons.
LE ROY
Alons m'en , ileuc les laissons , A la sole pas ne courront ; Je sui certain qu'il ne pourront D'ilec mouvoir.
DEUXIÈME CHEVALIER
Je croy bien que vous dites voir Sire, sanz faille.
Tout avant euvre il fault que j'aille Esbatre un petit là derrièng ; Quant nous revenrons ci arrière Nous dinerons.
DEUXIEME FILZ
Frère des or mais que ferons , Ne vous ne moy?
l'ainsné.
Je ne sçay , frère , en bonne foy ; Je ne voy point, au mien cuidier, Que jamais nous puissons aidier ; Et vraiement je me recors Ce qu'avons la vertu des corps Perdu , et sommes si servi , Que nous Tavons bien desservi.
Si lo que nous nous amendons Envers Dieu , et li demandons De noz péchiez remission ; Ne ne soit nostre entencion Fors de li telement servir
Que s'amour puissons desservir Je n'i voy mîex.
DfUiBÈME FILZ.
Ne moy ; si corne il est vrai Diex Et des pécheurs vray recours , Face il à noz âmes secours.
Mon cuer li doing pour touzjours mais ; Or ne vueille que face mais Riens qu'à son gré.
LE ROY
Seigneurs , il me fault de secré Aler parler à la royne ; Pensez que chascun tost chemine ; Alons par ci.
DEUXIEME FILZ
Frère , nostre père vient ci :
Que li dirons ?
L AINSNE.
Frère, nous li enclinerons Et chiefs et corps.
LE ROY
Vueilliez entendre à mes recors , Bautheuch , et y pourvéoir :
De noz enfans comment véoir Pourrons des or mais l'impotence Où sont mis? et après je pense Se hors de nous les envoions Et que jamais ne les véons , Comment pourrons après durer , Ne le souffrir ny endurer? Dites-le-moy.
BAUTHEUCH.
Ha ! mon très chier seigneur , bien voy
Que amour et pitié naturelle
Vous fait dire parole telle.
Benoit soit Diex qui rachaté
A son peuple , et par sa bonté
A noz enfans d'orgueil desmis ,
Et en telle humilité mis.
Or vous confortez bonnement , Et si sachiez certainement Que briefment Dieu nous monsterra , Et n'en doubtez , ce qu'il voulra Que d'eulx soit fait.
LE ROY
Sachiez que grant pitié m'ont fait Et font encore.
BAUTHEUCH.
Ainsi les fault laissier encore Pour un petit.
LE ROY
Dame , j'ay trop grant apetit D'un po dormir.
BAUTHEUCH,
sire , venez vous ci jésir, Puis que vous voulez sommeillier ; Je vous venray bien esveillier A heure et temps.
LE ROY
C'est bien dit, et je m'y atens Que m'esveilliez.
BAUTHEUCH.
Ambroise , avecques moy veilliez Venir : or tost , sanz demourer, Encore vueil-je aler orer ,
Puis qu'ay espace.
LA DAMOISELLE
Dame , ne doublez que ne face Vostre voulenté ; preste sui :
Alez où vous plaist , je vous sui Tost et bonne erre.
BAUTHEUCH.
Très doulx Diex, je vous vieng requerre
Grâce , et d'humble cuer mercier ,
Et vostre mère gracier ,
Qui louzjours m'avez adressié
Et mes prières exsaussié ;
Pour ce encores , sire , vous pri
Que me démonstrez sanz détri
Que de noz enfans nous façons ?
2l4 MIRACLE DE JNOSTRE DAME
S'avec nous estre les laissons , Ou se de nous les mettons hors.
Père doulx et miséricors , Ce qui vous plait qui en soit fait Par aucun signe ou aucun fait Savoir me faites.
DIEU
Michie*, à descendre^t'affaittes , Et toy Gabriel , jus de ci ; Et vous mère , et Jehan aussi Touz descendons.
NOSTRE DAME
Jus sommes ; or vous demandons Que nous ferons ?
DIEU
A Bautheuch , pour elle , en irons , D'une chose faire , enorter.
Chantez , vous .iij. , sanz déporter, En y alant.
ET DE SAIxNTE BAUTHEUCH. 2 1 5
GABRIEL
Pour joie estre renouvellant , Disons ce rondel , bon me semble .
RONDEL
Par amer et servir ensemble
L'umble vierge mère et son filz ,
Ne peut homs estre desconfiz.
Mais en soy si grans biens assemble ,
En la vertu du crucefiz ,
Par amer et servir ensemble , etc.
