MICHIEL
Dame , voulentiers ; or avant , Gabriel , chantons touz ensemble
RONDEL
Qu'en espérit ange ressamble, De glace et de gloire confis , Et pour ce , humains , sciez tous fis Par amer et servir ensemble L'humble vierge mère et son filz Ne peut homs estre desconfiz.
BADTHEUCH.
Ha! sire, qui onques ne fls
Chose qui ne fust pour le miex ,
De cuer , de mains , de bouche et d'iex
Te glorifi; c'est bien droiture ,
Quant à ta povre créature
As revellé, par ton plaisir,
Ce que tant avoie en désir ^
De savoir; sire, grans merciz.
Alons m'en , j'ai assez ci siz.
BAUTHEUCH.
( Yci vient et parle à ses filz. )
Enfans , comme en vérité Diex est à ceulx de grant bonté Qui de droit cuer sont envers li , Vous savez bien n'y a celi Qu'entre les gens Diex sagement Juge touzjours et droitement ; Véez qu'il a amesuré Le grant orgueil desmesuré
2l8 MIRACLE DE NOSfRE DAME
Que aviez pris contre père et mère Sachiez que ceste paine amère Qu'avez eu par jugement , Il ne vous a pas seulement Donné par mal , com mal prouvez , Mais pour ce que soiez sauvez ; Si que ne vous desconfortez , Mais en celui vous confortez Qui pour sauver les pécheurs vint En ce monde , quant il devint
Vray homme humain.
DEUXIÈME FILZ
Ha ! mère , estendez vostre main Et à baisier la me donnez ; Et mon meffait me pardonnez Et à mon frère que vez ci ; Humblement vous crions merci , Plourans des yex.
l'ainsné.
Ha ! loez soiez , sire Diex , Qui touzjours orgueil abaissiez , Et qui les humbles essaussiez ; Qui des povres l'alegement Et des febles renforcement Et des créans Tamour certaine
ET DE SAINTIi BAUTHtUCH. ?. I
Estes , sire Diex , et fontaine De miséricorde parfaitte.
A toy loer mon cuer s'afaitte , Sire , en cest estât le teigniez , Quant par celle vous nous deigniez Conforter , qui , à droit garder , Ne nous déust vifz regarder.
Certes en moy mesmes recors Que pour ce la vertu des corps Nous avez tolu , sire Diex , Que noz âmes vous puissent miex Servir et plus parfaitement.
Doulce mère , en Dieu seulement Avecques nous vous renvoisez ; Car miex humbles et mesaisiez Nous vault aler en paradis , Que sains , orgueilleux , à touz diz ^ En enfer estre tourmentez ; Si que, dame, ne lamentez
Plus pour nous non.
DEUXIÈME FILZ
11 dit bien, et pour le Dieu nom, Nostre père en telle manière Dépriez que aucun lieu nous quière Religieux où soions mis , Loing de tous noz chernelz amis ,
OÙ faire puissons pénitance ; Qu'à noz âmes soit aleigance De noz péchiez.
Mes enfans , plus ne m'en preschiez , Mais en Dieu vous réconfortez ; Et l'un l'autre à bien enortez , Et soiez devoz sanz contens; Que sachiez vous sarez par temps , Ce dont moult devez estre lié , Que Diex vous a appareillié.
A vostre père m'en iray, Vostre requeste li diray; Adieu, et ne vous esmaiez.
BAUTHEUCH.
Très chier sire , or vous appaiez De voz filz jadis parvertiz , Car Dieu les a si convertiz Qu'il ne veulent fors c'on leur livre Un lieu dévot où puissent vivre Leur temps religieusement, Et Dieu servir dévotement; Plus ne demandent.
LE ROY
Ce vient de Dieu que ainsi s'amendent , Dame , et de sa miséricorde ; Pour ce à leur requesle m'acorde.
Or, regardons lieu , sanz attendre, Convenable où il puissent rendre A Dieu ce que voué li ont ; Puis que donné à li se sont, Il Pesconvient.
BAUTHEUCH.
A nous, sire, pas n'appartient D'enquerre quel part est ce lieu , Car j'espère qu'il est de Dieu Tout ordené et pourvéu.
Puis qu'à ce les a esméu, Je vous diray que nous ferons :
En Saine une nef prenderons Où il seront tous .ij. mis ens; Et avec eulx ara dedanz Un vallet qui les servira.
Des robes pour eulx y ara , Et vitaille aussi a planté.
Et quant tout arons là planté , Aviron ne perches n'aront , Mais aval l'iaue s'en yront Là où Diex les vouldra mener.
Quant les ara fait assener A tel lieu corne il li plaira , Le vallet le nous revenra Faire savoir.
LE ROY
Sainte femme , je tien de voir De toy ne vient pas ce conseil , Mais de Dieu , et pour ce je vueil Qu'à ton plain povoir en ordaines , Et que les enfans tu demaines Ainsi com bon te semblera ; Car je tien que à leur preu sera Ce qu'en feras.
BAUTHEUCH.
Sire , je ne m'en faindray pas , Puis qu'ainsi est que le voulez.
BAUTHEUCH.
Gênais , tantost vous en alez A Saine , une nef pour moy prendre ; Quand prise Tarez, sanz attendre Revenez ci.
GENAIS.
Dame, je feray sanz nul ci Vosire commant; g'i vois tout droit.
GENAIS.
Sire , ceste nef ci endroit Est-elle vostre ?
