DEUXIÈME MOINE
sire , par sainte Katherine , Très voulentiers.
TROISIÈME MOINE
Or soit, et je feray le tiers Qui compagnie vous feray Voulentiers , et aussi prendray L'esbatement.
l'ainsné.
Seigneurs , louons dévotement Dieu qui nous fait si biau déport , Qu'amené nous a ci à port De sauveté.
L ABBE
Seigneurs , Dieu vous croisse en bonté ! S'il vous plaist , je vous vueil enquerre
Dont estes nez, ne de quel terre?
Et comment estes ci venuz Sanz nage etsanz avirons nulz; Trop m*en merveil.
DEUXIÈME FILZ
Qui nous sommes dire vous vueil :
Biau père , sachiez sanz doubtance , Nous sommes filz du roy de France.
Mais de ce sui moult esbahiz Comment en si désert pais Vous demourez ?
l'abbé.
Pour ce que Dieu miex aourez Y est, et par dévocion , Que se faisions mension
Entre gens, sire.
l'ainsné.
Père , nostre estât vous vueil dire :
C'est voir que nous .ij. jonnes hommes, Enfans du roy de France sommes , Qui si orgueilleux devenismes Que à tort guerroier le voulsismes Et jetter de son règne hors , Et en la guerre nous prist lors.
Or devez-vous , sire , savoir , De nous venjance voult avoir; Mais nul ne nous osoit jugier , Quant nostre mère , pour purgier Ce qu'avons envers eulx mespris , Nous juga qui estions pris Que jamais ne tiendrions terre ; Oultre , pour le fait de la guerre , Que perdrions les vertuz des corps ; Si nous cuit-on les jarrez lors , Et après elle a ordené Qu'en ce batel fumes mené , Puis nous laissa, à brief parler , Aval l'iaue de Saine aler Sans parche et sanz gouvernement , Fors que de Dieu tant seulement , Qui nous a saux amenez ci.
Sire , si vous requier merci , Que à l'onneur Dieu premièrement, Et au salut secondement De noz âmes , vous nous veilliez Adviser , et nous conseilliez Que pourrons faire.
l'abbé.
Vous en venrez en mon repaire ; Sa , frère Adam , avant venez ,
Ce jouvencel ci amenez; Soustenez li et bras et main Entre vous et frère Romain.
Et vous, amis , de par delà Amenez aussi celui-là.
L ABBE
Ores , seigneurs , vezci mon lieu :
Esjoïssiez vous louz en Dieu , Et demourez avecques moy ; Et je vous dy en bonne foy Qu'à ceulx qui Dieu aiment et doublent, Et qui hors du monde se boutent Viennent ^ouz biens.
DEUXIÈME FILZ
Nous ne demandons autre riens Que nous y mettre.
QUASIN.
Seigneurs , puis que ci vous voy estre
Arrestez , à Paris iray ,
Et à la royne diray
Et au roy nouvelles de vous ,
Et qu'estes ici à Dieu touz.
Ne fineray tant qu'à eulx soie ; Il ne peut que brief ne les voie.
QUASIN.
Vezci de leur hostel la court, Droit à eulx vois , à brief mot court.
QUASIN.
Chier sire , faites bonne chière , Et vous aussi , ma dame chière ; Vos .ij. enfans saluz vous mandent Et à vous .ij. se recommandent Assez de foiz.
BAUTHEUCH.
Dy me voir, foy que tu me doiz , Quasin , où les as-tu laissié , Ne quel part ont-il adressié?
C'onleme die.
QUASIN.
Ma chière dame , en Normandie ,
En un lieu sauvage et désert, Sont avec Fabbé Phillebert Que nous d'aventure trouvasmes Ainsi comme à terre arrivasmes , Qui bénignement les a pris , Et si dottrinez et appris.
Qu'il sont de sa religion ; Et sont en sa subjeccion Moines devoz.
LE ROY
Dame , sanz plus dire, je los Que nous touz ensemble y alons, Et que à Tabbé aussi parlons Et enquérons de leur estât ; Alons m'en sanz plus de restât , Je vous ezi pri.
lîAUTHEUCH.
Alons , sire , je m'y ottri ; Seigneurs , venez touz or avant Avec nous; Quasin , vas devant Pour nous conduire.
QUASIN.
Voulenliers, ce ne me peut nuire.
ET DK SAINTE BAUTHEUCH. 23^
QUASIN.
Dame , ne soiez esbahie , Resgardez , vezci Tabbaie Où voz filz sont.
LE ROY
Je verray voulentiers qu'ils font, Et si y venray bien souvent.
Dieu gart de mal tout ce couvent!
Si face-il nous !
L ABBE
Très chier sire , bien veigniez-vous , Et ma dame , et la compagnie Que je ci voi acompagnie !
Vez ci voz filz.
C'est voirs , abbés : .ij. foiz en fis
o,38 MIRACLE DE NOSTRE DAME
La portée .ix. mois entiers.
Enfans , voulez-vous voulentiers Cy demourer?
l'ainsné.
Pour Dieu servir et aourer , Mère , ne demandons pas miex Que estre ainsi ; et loez soit Diex , Quant il nous fait tel bénéfice Qu'avoir nous deigne en son service Cy appeliez.
LE ROY
Puis que ci demourer voulez ,
Et que Dieu de voz grans mefifaiz
Que vous savez bien qu'avez faiz
Vous donne bonne repentance ,
Et qu'il vous souffist, sanz doubtance ,
Voulentiers vous y lairay estre.
Nient moins , dans abbés , pour cest estre
Acroistre , vous doing , c'est m'entente ,
Dix mille livrées de rente ;
Avec ce je vous abandonne
Mes bois , et du merrien vous donne
Tant , ce vous vueil bien affier ,
Com vous pourrez édiffier
Et maisonner ; et après ce ,
ET DK SAINTE BAUTHEUCH. aSg
Pour ce que trop ne vous empresse , On dit qu'avez une chappelle La derrière qui est moult belle , Si vueil que vous m'i menez , sire , Et qu'en alant là faciez dire Par vos clers .i. chant bel et gent , Pour resjoïr moy et ma gent ; C'est ce que vueil.
l'abbé.
Sire , je feray vostre vueil De tout mon povoir , n'en doubtez.
Avant, mes clers, avant, chantez Appertement.
Et lors s'en vont le roy, la royne et tout les autres. Et chante-l'en devant eulz , et ainsi se fine le jeu.
