A M. DE VILLEROY

SONNET

Pour aborder une isie plantureuse, L'honneur de Seine et de vostre maison, En fruicts , en fleurs, pour si belle saison, Et pour tousjours en Seigneur bien heureuse,

Vous-mesme avez, de main aventureuse.

Pris l'aviron de si gente façon Que l'on a veu la grâce et la raison D'un corps adroit, d'une ame généreuse;

Et qui plus est vostre main a sentie L'aigre douleur d'une poignante ortie.

Avant qu'entrer en si belle demeure.

Ainsi, Monsieur, vostre exemple rameine.

Quoique bien grand, qu'il fault se donner peine Pour la vertu et la vie meilleure.

A Conflans, le viij septembre 1570.