PIÈCE XXXI

lliii] 4 août, Jarniou (1) — Lettre d'Hurubert de Grolée, bailli de Mâcon, aux consuls de Lyon, leur annonçant les résultats de sa campagne, notamment la prise de Pierrecloz, et les priant de payer Vaide consenti par les autres villes, tant pour permettre au régent de réformer les monnaies que de subvenir aihv frais de la. guerre.

[Citée p. 24, n. 2]. (Onqinal sur papier. Au dos, 1res faibles traces de scellement.) A mes chiers frères et especiaulx amys, les conseillers de la ville de Lion. (Au dos.)

Chiers frères et especialx amys, j'ai sceu comme les ambeysseurs de monseigneur le régent sont a Lion, lesquelx vous ont demandé aide de part mon dit seigneur pour faire bonne monnoye dont ilz n'ont eu encoures aucune bonne response, selon que l'en m'a escript. Si vous prie tantacertes comme je puis que vous vieilles acorder a mon dit seigneur l'aide qu'il vous demande, veu que c'est pour faire la bonne monnoye, et que ce reviendra a ung si tresgrant bien que mieulx ne pouroit pour tous les subgiez de mon dit seigneur, et aussi vous veez les grans charges qu'il fault que Monseigneur soustienne/ pour le fait de sa guerre, lesquelles il ne pouroie soustenir sans l'aide de ses vrays et loyaulx subgiez, et tousjours a eu mon dit seigneur fiance en vous, autant ou plus qu'en ville de cest royaume et aussi vous devés regarder que tous les autres pays obéissant a mon dit seigneur l'ont acordé, ainsi comme il a esté demandé, aussi, ont les gens d'esglise et les nobles, et le plein pays de Lionnois. Si vous prie de rechief que vous y vueillés acorder ; quant aux nouvelles de par de ça, nous avons eu la place de Pierrecloz et y avons mys bonne et forte garnison : la manière du rendre se a esté qu'ilz se sont rendus a nous, leurs corps et leurs biens saufves, par ainsi qu'ilz heussent quatre jours de terme pour le faire savoir a Thoulojon, a messire Philibert Audrevet et aux autres cappitaines qui estoient a Mascon, et que se dedens lesdit quatre jours ilz se povoyeut trouver plus forts que nous le traictiez estoit nul; ilz ne se sont point trouvez plus forts ne se sont point venuz, ainsi la place nous a esté rendue, et nous estant au siège devant Pierrecloz. Thoulonjon est venu devant lechastel de Chenitriez lequel lui a faicte obéissance, et a mys garnison dedens de quinze hommes d'armes et quinze hommes de trait, non obstant que par avant que alissions a Pierrecloz, il nous avoit faicte obéissance et serement, et pour ce, au partir de Pierrecloz nous nous sommes tirés de par deçà pour recovrer ledit chas-

tel et avoir ceulx qui estoient dedens, et quant nous avons esté a une lieue près, ilz s'en sont fouyz a Mascon et ont abandonné la place et j'ai fait panser de la place selon que le cas le requiert de j^-'ens qui se sont depar- / jurez et ay fait mectre le feu dedens ; nous avons une très belle compagnie et taillée de fere beaucoup du bien qui auroit de quoy l'entretenir, mais j'ay grand doubte que pour defTault de paiement que tout ne se départe et bien brief, quar l'argent que mon seigneur le gouverneur a fait venir par deçà n'est pas près a la moytié de ce qui fait le besoing ; si vous y scavez autre remède sur le fait des finances, si l'escripvissiez par deçà, aflîn que la besoingne s'entreteniz ; autre chose, n'y a de nouvel de par deçà. Je prie Dieu qu'il soit garde de vous.

Escript sur les champs empres Jarniola le IlIPjour d'aoust.

IIUMBKRT DE GrOLKE,

bailli de Mascon, seneschal de Lion.

(Arch. mun. de Lyon AA 82, n" 47)-