PIÈCE LXXXII

[1427] 5 avril, Poitiers. — Lettre du Parlement de Poitiers aux coimils et aux maîtres des métiers de Lyon, les priant de leur payer les 1.000 livres qui leur ont été assignées pour leurs gages sur Vaide qui se lève à Lyon au lieu du « onzain ».

[\'oir p. 264, n. i]. (Original sur papier. An dos, traces imperceptibles de scellement sur cire rouge.) A noz très chiers et grans amis les conseillers et les maistres des mestiers de la ville de Lion, (Au dos.)

Très chiers et grans amis, nous avons ja par plusieurs foiz escript a vous les conseillers sur le fait de nostre assignacion de mil livres, desquelx nous avons esté assignez pour partie du paiement de noz gages sur l'aide ordonné estre levé par delà en lieu de l'onziesme, en vous priant et requérant que ou cas que le dit aide en tout ou partie se leveroit par delà, vous voulsissiez tenir la main a ce que premièrement et avant touz autres, ' nous fuissions paiez, dont nous navons eu aucune bonne response et toutesfoiz nous avons sceu que le dit aide en tout ou partie se lieve par delà, et qu'il y a et aura qu'il vouldra assez de qiioy nous paier, qui nous vouldra préférer, comme raison le vuolt, car nous ne cuidons point quelque instruction que le receveur ou autres ayent, il y ait ou puisse avoir autre assignacion plus ne autant previlegiée que la nostre qui est pour gages ordinaires de ceste court, qui est capital et souveraine de ce royaume, se necessere, comme chescun scet et vcu aussi que la plus grant partie de nous autres, avons pour acquicter noz loyaultez laissié pais, et perdu et habandonné noz chevances. Si vous prions et requérons très alfcctueusementque, en nostre dit fait, vous vueillez telement tenir la main que de et sur ce qui est ou sera octroyé et accordé par vous et le pais de par dela du dit aide, nous puissons estre paiez et contentez de nostre dicte assignacion des premiers et avant touz autres qui ne seroient si favorables et nous nous en reputerons tenuz a vous et en aurons voz affaires tousjours pour recommandez en bonne justice, et sur ce, avons fait parler plus a plain aGonin Bonnet, porteur de cestes, pour le vous exposer, se mestier

est, et de ce que fere se pourra en ceste matière nous vueillez certifier et escrire avec se chose voulez que fere paissons et nous le ferons très voulentiers. Nostre Seigneur vous ait en sa saincte garde. — Escript a Poictiers, le ^''^ jour d'avril.

Les gens tenant le Parlement du roy Nostre Sire a Poictiers.

Blois.

(Arch. niun. de Lyon, AA (ig, n" 55).