PIÈCE XCV
[1427] décembre, Lyon. — Minute de lettres adressées par les Lyonnais au chancelier et aux membres du Conseil du duc de Bouryoçjne, accusant réception, de leur lettre du 5 décembre et les priant de faire relâcher les Lyonnais détenus prisonniers à Vitry en Charolais, sur l'ordre du prince d'Orange, à la- suite de la. capture de ses cl)eraux, opérée par les gens d'Hurnhert de Grolée, capture dont les Lyonnais ne sont pas responsables.
[Citée p. ii6, n. 4]. (Minute sur papier.) A honnorés seigneurs, monseigneur le chancellier et gens du conseil de Monseigneur de Bourgogne. (Au dos.)
Honnorés seigneurs, voz lettres escriptes a Ghalon le \'^- jour de cesl présent moys de décembre, vendredi XIP d'icelluy, receusmes asses lard, faisans mencion de la diligence et poursuyte faite par les seigneurs de
* Pour : et Chapitre.
' Cette pièce u'e.xistc aux Archives de la (^ùtc-d'Or ni en m-igiiial ni en copie, (Communication de M. l'Archiviste-adjoinl, Dcstray).
388 PIKCES JUSTIFICATIVES
Luyrieu. clergié, eschevins et habitans de la cité de Mascoii, et pour entretenir les pays en abstinence de guerre ont envoie par devers vous leur ambassade et aux lins que dessus avés fait venir, par devers nous, noble et puissant segneur le prince d'Orenge, dont véritablement nous samble que du grant vouloir, poursuyte et diligence que vous et les diz de Mascon avez faicte en ceste besoigne grandement faictez et eulx aussi a louer et recommander pour ce que nul bien n"est comparable, a bien de paix et de nous, nous en louerons au roy nostre segneur, et pareillement nous nous emploierons a nostre pouvoir a tout bien de paix et entretenement de l'abstinence, espérant icelle, et quant est ad ce que le dit prince a esté par devers vous et dit que luy comme vassal et subgiet de monseigneur de Bourgogne vouldroit a tout son pouvoir entretenir l'abstinence entre les seigneurs, mais aucuns ses parens et amys informés des grans tors, que le bailli de Lion et aucun noz bourgois et habitans luy ont fait pour la prinse et detencion de certains chevaulx que lenluy amenoit du royaume dArragon en Bourgogne, soubz umbre de saulconduyt par luy obtenu de monseigneur de Richemont,connestable, etc., duquel saulconduyt les preneurs ne tindrent oncques compte, ja soit ce qu il leur feust monstre et exhibé souffisaument et aussi n'a tenu compte de pluseurs mandemens et lettres patentes du dit segneur et d'aucuns plus grans de luy, et pourtant n'a point esté courroucié de la prinse des certains bourgois, dont les diz de Mascon faisoient poursuyte ne ne sera de dommage qui nous aviengne jusques ad ce qu'il soit pleinement restituez de ses chevaulx et biens et dommages et interestz pour ce soubstenuz, et laquelle chose alantacueur que plus ne peut, et est necessere et expédient pour pys eschever de y mectre bien brief aucun bon appointement dont doyve estre content, si nous priés et requerés que pour obvier aux perilz et inconveniens que diversement et sinislrement pourroient ensuir, il nous plaise sur ceste matière tellement adviser et pourveoir, comme verrons qu'il appartendra pour luy appaisier et éviter plus grant meschief, et vous offrez et emploiez ou bien de la besoigne et de la chose publique, au mieulx que pourrez, et jusques a ce que de nous aurez aultres nouvelles, asses vous a accordé et a grant paine non rien faire de nouvel, honnorés seigneurs, vous savez asses l'abstinence, laquelle est entre le roy et monseigneur de Bourgogne, les diz seigneurs soy faisans forts pour eulx et leurs subgiez, dont vous nommés subget et vassal de mon dit seigneur de Bourgogne ledit prince, et pourtant est tenu d'entretenir l'abstinence, car aultrement ce seroit enfraindre et blecier icelle, veu que monseigneur de Bourgogne ou ses ambassadeurs pour luy en icelle abstinence s'est fait fort de ses subgetz, et se ainsi n'estoit, l'abstinence seroit infructueuse et inutile, et aussi le Provençal et ses aultres complices, lesquelz ont faite la prinse de noz gens
PlflCES .USTrFICATrVI'S 389
de par deçà ou païs de raljstiaence et manaus et hahitans en icelle dont mandé nous ave/, que les parens et amis du prince sont contens, eulx departans de conté de Charoloys, païs de monseigneur de Bourgogne et en son héritage et dommaine, et es fortereces estans <le son iiommage a Victry en Charoloys hont retraiz les diz prisonniers, laquelle chose nous saml)lG très estrainge et directement venir contre la dicte abstinence ne l'adveu du dit prince, ne pourroit raisonnablement icelluy prince ou les aultres subgiez de monseigneur de Hourgogne contre la promesse el abstinence de guerre de monseigneur de Bourgogne leur droicturier et naturel seigneur en riens saulver, et quant est ad ce qu'il aura bien licence de monseigneur le régent, nous pensons que du roy nostre souverain seigneur et vray régent de son royaume n'aura point de licence de l'aire guerre contre nous, car guerre ne se donne fors que en delTault de justice, a laquelle devant nostre souverain seigneur en riens ne voulons faillir, mais respondrons plainement, sommairement et de plain ad ce que le prince nous vouldra demander, et se pour le régent voulés entendre le duc de Bectefort, nous créons que tous Anglois sont assez enclins a tout oultroy et licence dégrever contre le roy, monseigneur de Bourgogne, et tous leurs subgiez, ne es riens ne nous est estrange leur vouloir contraire au roy, a son hostel et royaume, desquelx sont naturelz ennemis, et pour ce que mandé nous avez que soubz filtre de saulconduyt de monsegneur de Hichemont, connestable, etc., les chevaulx ont estéprins, jace soit que icelluy saul conduyt a este monstre et exhibé, pourtant avons voulu parler a honnoré segneur, messire Humbert de Grolée, mareschal du Daulphiné, bailli de Mascon et seneschal de Lion, pour savoir la vérité d'icelle chose, lequel pleinement a cogneu et confessé que par son plaisir et commandement, et tient que bien deuement et raisonnablement la prinse a esté faicte en la Daulphiné, et depuys les dis chevaulx a mis en la main de justice, s'est assavoir en la court souveraine de Grenoble, es mains de honnoré et puissant seigneur, monseigneur le conte de Commengez, gouverneur d'icelle Daulphiné, pour en faire raison au prince et a tous aultres, comme de raison appartieudroit, ne oncques saulconduyt ne fust monstre ne exhibé, comme il dit octroyé, par monseigneur de Hichemont, connestable de France, car nul saulconduyt octroyé par luy ne vouldroit en rien ^nfraindre, mais le garder et entretenira tout son pouvoir etse ainsi estoit que saulconduyt y heust enfraint, ce seroit a desplaire a mon dit seigneur le connestable, a qui seroit fait la honte et desplaisir, neantmoins se le dit prince veult alfermer soy avoir saulconduyt de mon dit segneur le connestable, monsegneur le mareschal du Daulphiné, bailli de Mascon et seneschal de Lion seroit content du jugement de mon dit seigneur le connestable, de qui saulconduyt l'en parle, et prandre la
390 l'IKCKS .irSTIFICATlVES
partie, octroyant pour juge, on se plus est agréable ou dit prince, le jugement de Monseigneur de Savoye, conservateur de l'abstinence, veu et considéré que par devant luy derrenierement a Yenne, la matière des dis chevaulx l'ust ouverte, Monseigneur le mareschal de la Daulphiné, estant de par le roy et aultres ambassadeurs de monseigneur de Bourgogne, au. dit lieu, ou il se offrit et s'est aujourd'uy offert présentement par devant nous soy soubmectre a icelluy, tout au long et au large et contenir son jugement, luy sus ce ouïz et pourtant honnorés segneurs, veu que laprinse des dis chevaulx a esté faicte comme dessus, dont il y a partie advoyant la dicte prinse, laquelle a esté faicte en la Daulphiné, et se aucuns des habitans de ceste cité y avoit esté sanz nostre plaisir, vouloir et consentement, dont moy, larcevesque, comme seigneur et justicier, au regart des habitans seroie prest de faire toute justice et tous citoiens coulpables faire subir a icelle justice, et tenir seur de par deçà les gens du dit prince pourchaczant icelle justice sans fraude, veu aussi les oifres de monseigneur le mareschal, bailli et seneschal que dessus, nous samble que de nostre cousté n'y a que blammer ne donner charge, et ne creussions pour nulle riens * que ung si chevaleureus prince, parti de si bon et haull lieu deut prandre vengance^ sur povrez marchans ignorans la besoigne et non coulpables, ou il y a partie advouant, meismement sans ce que, nous arcevesque, doyen et chappitre en rien nous eust dédit ne deslfié, si vous prions, honnorés seigneurs, que ces choses veues et considérées, vous plaise en entretenant la dicte abstinence juré et promise par les seigneurs faire délivrer les prisonniers avec doumages, interestz et despens pour ce soubstenuz, affin que nous n'ayens cause de nous douloir et plaindre au royque abstinence soit roupte de vostre cousté, mais nous puissions a luy louer de vostre entier et plein vouloir que monstre avez et monstrerés au plaisir de Dieu et sur ce nous rescripre vostre bon vouloir.
Les arcevesque, chappitre, conseillers, bourgois et habitans de la ville de Lion.
(Arch. mun. de Lyon AA 68, n° 38).
