PIÈCE CLIII

1435, 25 juillet. Loches. — Lettre de Charles VII aux généraux conseillers ordonnez sur le fait et gouvernement de toutes ses finances, leur enjoignant, après avoir fait prêter serment à Nicolas Henry, chargé de recevoir dans la ville et Vélection de Lyon l'équivalent des aides établi pour quatre ans et la portion de Vaidc de 120.000 francs imposé à Vélection, de le mettre en possession de sa recette.

[Voir p. 80-81 et p. 291]. (Copie sur papier.)

Charles, par la grâce de Dieu, roy de France, a noz amez et feaulx, les generaulx conseilliers par nous ordonnez sur le fait et gouvernement de noz finances, salut et dilection. Savoir vous faisons que pour la bonne relacion qui faicte nous a esté de la personne de Nycolas Henry et de ses scens, loyaulté et bonne diligence icellui avons commis et ordonné, commectons et ordonnons par ces présentes a recevoir en la ville et élection de Lyon Taide et équivalent que présentement faisons mectre sus pour quatre ans a venir pour et ou lieu des aides que avons abolies et mises sus, ensemble la porcion de l'aide de VI^^ mil frans que faisons mectre sus avecques le dit équivalent aux gaiges qui par nous ou vous lui seront tauxez et ordonnez, auquel nous avons donné et donnons par ces dictes présentes povoir, auctorité et mandement especial de recevoir et fere venir ens les deniers de la dicte recepte et a ce contraindre, se besoing est, les collecteurs et autres qu'il appartendra a paier ce qu'ilz devront du dit aide par toutes voyes et manières acoustumées de fere pour noz propres debtes, cessans opposicions et appellacions; si vous mandons par ces mesmes présentes que prins et receu du dit Nicolas Henry les scremens et caucion acoustumez, icellui mectez et instituez ou faictes mectre et instituer en possession et saisine de la dicte recepte et l'en faictes et souffrez joir et user plainement et paisiblement et a lui obéir es choses

442 PIÈCES .mSTIFlCATIVES

louchans et regardans la dicte recepte, non obstant quelxconques ordonnances, mandemens et deffenses a ce contraires. Donné a Loches le XXV"'" jour de juillet, lan de grâce mil CGCC trente et cinq et de nostre règne le treziesme, soubz nostre seel ordonné en l'absence du grant.

Par le roy, Chaligaut.

(Arch. mun. de Lyon, CG 290, n° 12^)

PIÈCE CLIII bis

1435, 31 juillet. — Lettre des généraux conseillers ordonnés par le roi sur le fait et gouvernement de ses finances aux élus sur le fait des aides ordonnez pour la guerre en la ville et élection de Lyon, leur ordonnant de prendre serment et caution de Nzcoias Henri, commis à percevoir en ladite élection Vaide et Véquivalent mis sus pour et au lieu des aides et la portion de Vaide de iSn.OOO francs imposée à la ville.

[Voir p. 80-81 et 291]. (Copie sur papier.)

Les generaulx conseilliers ordonnez par le roy nostre sire sur le fait et gouvernement de ses finances aux esleuz sur le fait des aides ordonnez pour la guerre en la ville et élection de Lyon, salut. Nous vous mandons et commectons par ces présentes que de Nicolas Henri commis a recevoir par le dit segneur en la dicte élection laide et équivalent mis sus pour et ou lieu des aides et la porcion de l'aide de \'I^^ mil frans vous prenez et recevez les serement et caucion acoustumez a cause de la dicte recepte et Fen faictes et souffrez joïr et user plainement, paisiblement, en le mectant en possession et saisine d'icelle recepte pour les causes contenues es lectres patentes d'icelui segneur, cy atachées soubz l'un de noz signetz Donné le derrenier jour de juillet lan mil GCGCXXX cinq.

Gopie est. collacion faicte a l'original.

Haudri.

(Arch. mun. de Lyon, GG 290, n" 12',)