PIÈCE CLVI

[1435] 7 septembre, Charlieu. — Lettre d'Humficrt de Beaumont au Conseil du roi, aux gens d'église cl aux luihitunts de Lijon, réclamant avec instance l'argent que le duc de Bo}irbon, lieutenant du roi, l'a autorisé à demander aux Lyonnais pour l'aider à lutter contre les Bourguignons.

[Citée p. !2o, n. 2]. ^Original sur p;tpier. Au dos, traces de scellement formant une sorte de croix rouge.)

A messegneurs du conseil du roy nostre sire, [les gens deglisc, eschevins et aultres bourjrois et habitans de Lion.

(Au dos. Presque illisible • à peu près complètement effacé.) Messeigneurs du conseil du roy, les gens d'église et eschevins en la ville de Lyon, je me recommande a vous ; comant vous savez bien, monsei^'neur le duc de Bourbon, lieutenant du roy nostre sire es marches de pardecza vous a ordonné que deussiez payer certayne summe d'argent pour aider a soubstenir moy et mes compaignons qui summes pardecza ou service du roy nostre sire et pour la garde de vous et aultres lez subo-iez du roy nostre dit seigneur et toutesfois vous nen faitez conte et pour ce je le vous escrips et si vous requiers une foys pour toutez que vous me payez incontinent, ce qui a esté ordonné; aultrement, je vous certiffie que je me payeray le mieulx que je pourray et le plus brief et pour ce tenez m'en pour excusé, car aussi fara bien le roy nostre sire et mon dit seigneur le duc, quant il seront informez de la chose ; si soit au plaisir Nostre Seigneur qui vous doint joye. Escript a Charlieu, le VII jour de septembre.

HUMBERT (de) BeAUMON.

(Arch. mun. de Lyon, AA 78, n°4.)