PIÈCE CLXIII
[134G] 24 janviier, Tours. — Lei^re de Charles Vil à Pierre Aalant et à Jacques de Caiilers, leur enjoignant de veiller à la levée dans la ville de Lyon et le pays du Lyonnais, de la somme de 2.000 francs, représentant leur . quote-part de l'impôt élabli sur les marchands et les aisés des vitles de son obéissance, situées « deçà les rivières » et de charger Jean Paumier de la recette de cet impôt.
[Voir p. 87]. {Copie sur papier).
A noz amez et i'eaulx secrétaires, niaistres Pierre Aalant et Jaques de Canlers.
De par le roy.
Noz amez et feaulx, pour subvenir a ancuns noz urgens et presens affaires nous a convenu mectre sus et fere imposer présentement sur les merchans, gens de pratique et autres habitans aisiez et puissans des villes de nostre obéissance deçà les rivières certin legier et moyen aide dont la ville de Lyon et le pais de Lyonnois ont esté pour leur porcion du dit aide tauxez a la somme de deux mil frans tant seulement, pour lesquelz impostz vous envoyons noz lectres de commission avecques lettres clouses de créance sur vous adreçans aux conseilliers de la dicte ville de Lyon et aussi la commission du receveur, en laquelle a espace pour mectre le nom, et de ceste matière avons fait parler en nostre présence et conseil aux messaigés et envoyez devers nous de par ceulx de la dicte ville, lesquelz avons au jourd'uy expédiez. Si vous mandons et expressément enjoignons que après ce que par bonne manière aurez dit et remonstré aus dis conseillers du dit lieu de Lyon la neccessité de nos dictes affaires et la bonne obéissance que au regart de ce et du dit aide avoins trouvée et trouvons en nous autres subgiez et bonnes villes de par deçà, vous appeliez avec vous noz esleuz et autres officiers du dit Lyon, telz que bon vous semblera, imposez raisonnablement tant en la dicte ville de Lyon que autre part ou dit pais et faictes diligement venir ens la dicte somme selon la forme et teneur de nos dictes lectres de commission et comme par icelles pourrez congnoistre nostre entencion avecques ce que sera besoing pour les fraiz neccessaires et mecteza la dicte recepte Jehan Paumier, se chargier s'en veult, et sinon tel autre ydoine et souffisant que adviserez, et faictes que la dicte somme nous soit diligement envoyée par deçà pour aidier a conduire nos dictes affaires qui sans inconvénient ne peuvent souffrir delay. Donné a Tours, le XXIIII^ jour de janvier.
Charles. Budé.
(Arch. mun.de Lyon, CC 290, n' 11 ^),
