PIÈCE CLXXVI

(1431)) 5 janvier, Dijon. — Lettre du conseil du duc de Bourgoone aux consuls de Lyon, les priant de restituer le blé acheté en Forez par Jean de Valée, marchand de Màcon, sur Vordre du duc de Bourooijne, attendu que le duc de Bourbon approuve cette opération.

[Cf. p. 121]. (Original sur papier. Au dos, très faibles traces descellement qui indiquent que la pièce a été scellée en cire rouge.)

A noz très chiers segneurs et especiaulx amis les eschevins et autres recteurs et gouverneurs de la ville et cité de Lyon. (Au dos.)

Très chiers segneurs et especiaulx amis, nous nous recommandons a vous et vous plaise savoir que monseigneur le duc de Bourbon en faveur et pour contemplacion de nostre très redoublé seigneur, Monseigneur le duc de Bourgoingne, a donné et ouctroié, comme il peut apparoir par ses lettres patentes congié et licence a Jehan Valée, marchant et habitant de Mascon, de acheter des grains en ses païs de Forests jusques a certaine quantité pour les amener vendre et distribuer es païs de par deçà pour subvenir au pouvre peuple qui en a si grant indigence que plus ne peut, desquelx grains le dit Jehan Valée a fait amener une partie tant segle que froment qui peut monter a environ cent ou VI^'^ asnées jusques en la ville

de Lyon, en entencion de les passer et amener par deçà pour les y distribuer, mais neantmoins, comme entendu avons, vous les lui avez empeschiez ou fait empeschier et détenir au dit Lion et ne les li souffrez passer plus avant, disans que les ferez distribuer au dit lieu de Lyon, laquelle chose, très chiers seigneurs et especiaulx amis, nous semble bien dure et extrange, actendu que les dis grains viennent du dit païs de Forests ou ilz ont esté achetez par le congié et licence du dit Monseigneur de Bourbon et par ses dictes lettres patentes dont Ton vous fera apparoir, s'il vous plaist, actendue aussi la bonne paix qui est entre le roy nostre sire et nostre dit très redoubté seigneur, monseigneur le duc de Bourgoigne, et la grant faulte de grains et famine qui est es dis païs de par deçà pour la stérilité de Tannée ; si vous prions, très chiers segneurs et especiaulx amis, tant et si très acertes que plus povons que eu consideracion ad ce que dit est et en faveur de nostre dit seigneur, il vous plaise délivrer ou faire délivrer a plain au dit marchant les dis grains et les souffrir amener par deçà, afin que le pouvre peuple qui en est en telle et si grant indigence que plus grande ne pourroit, comme dit est, en puisse estre secouru et alimenté, en paiant les drois des péages, travers et triages acoustumez, en y faisant autant pour amour de nostre dit très redoubté seigneur et de nous, comme vous vouldriez que feissions pour vous en cas semblable ou greigneur et s'aucune chose vous plaist que puissons le nous povez signiffier et nous le ferons de très bon cuer. Très chiers segneurs et especiaulx amis, le Saint Esperit vous ait en sa saincte garde et vous doint bonne vie et longue. Escript a Dijon, le V" jour de janvier mil CCGG trente et huit.

Le conte de Fribourg et de Neufchastel, gouverneur et capitaine gênerai de Bourgoigne et les autres gens du conseil de Monseigneur le duc de

Bourgoigne estans a Dijon, tous vostres.

Gros.

(Arch. mun. de Lyon, AA 22, n*' 74.)