PIÈCE CLXXVIII
(1439) 28 mars, Rioni. — Lettre de Charles MI à iiiessire de Valperaue, bailli de Maçon, à Jean de Courtinelles et aux élus du Lyonnais, les priant de faire avancer par les aisés les 7.000 francs représentant la quote-part de l'élection du Lyonnais, de Vaide de 300.000 francs demandé au pays de Langucdoil (en deçà de la Seine) sur Vavis du Conseil, le voyage accompli en Languedoc pour Vouverture des États de ce pays ne lui ayant pas permis de convoquer les Etats de Languedoll, pour leur demander Vargent nécessaire à la continuation de la guerre et aux conférences de Calais.
Fol. I r°. [Citée p. 88, n. 2]. (Copie sur papier, j Charles, par la grâce de Dieu, roy de France, a noz amés et feaulx le sire de Valpargue, nostre conseiller et chambellan, bailli de Mascon, seneschal de Lyon et maistre Jehan Courtinelles, nostre notaire et secrétaire et aux esleus sur le fait des aides ordonnés pour la guerre en nostre pays de Lyonnois, salut et dilection. Comme pour le voyage que faisons présentement en nostre païs de Languedoc, pour l'assemblée des trois estas du dit pays que avons mandés venir et assemblés par devers nous pour donner provision au fait d'icelluy païs et autres choses touchans grandement le bien de nous et de notre seignorie, nous soyons tellement occuppés que bonnement ne pourrions assemblés ne faire venir par devers nous les gens des trois estas d'aucuns de noz païs de Languedoyl, ce que avions entencion de faire, ne feust l'occupacion dessus dicte, pour leur remonstrer noz grans affaires et leur requérir aide et conseil, ainsi que besoing nous est pour ceste prouchaine saison novelle, et soit ainsi que par l'advis et deliberacion de plusieurs des seigneurs de nostre sang et lignage et des gens de nostre graat conseil, considerans les grans charges que avons a supporter pour le fait de la guerre et la grant et grosse despence qu'il nous convient neccessairement faire ceste dicte prouchaine saison nouvelle tant pour le
' souldoiement des gens d'armes et de trait j] (fol. i v°) de certaine grosse armée et assemblée que avons au plaisir Nostre Seigneur entencion mectre sus présentement pour emploier a rencontre de noz ennemis au reboutement et expulcion diceulx et recouvrement de nostre seignorie par eulx détenue et occuppée et pour le paiement et entretenement de noz frontières, comme pour le fait de certaine convencion et assemblée qui se doit faire ou moys de may prouchain es marches de Calais d'aucuns de noz genz avecques ceulx de nostre adversaire d'Angleterre pour entendre et besoigner au fait de la paix generalle de nostre royaume et de celluy d'Angleterre a laquelle assemblée nous convient envoler plusieurs gens de grant estât, tant seigneurs de nostre sang comme prelaz, barons et autres gens notables et pour mener et conduire nostre très chère et très amée fille Catherine par devers nostre très cher et très amé frère et cousin le duc de Bourgoingne ou la devons envoler brief pour lacomplissement et consummacion du mariage fait et acordé de nostre dicte fille avecques nostre très chier et très amé cousin le conte de Charrolais, seul filz et héritier de nostre dit frère et cousin de Bourgogne pour le bien et confirmacion de la paix de nostre dit royaume et aussi pour les despenses des hostelx de nous et de nostre très chiere et très amée compaigne la royne de nostre très chier et très amé filz le daulphin || (fol. 2 r") et autres, noz enlfanset pour plusieurs voyages, ambaxades et autres charges innumerables qui de jour en jour nous surviennent, lesquelles nous seroit possible de fournir ne supporter sans laide de noz subgiés, ayons ordonné et délibéré pour nous aidier a soustenir et supporter les dites charges et affaires, faire mectre sus et imposer en nos dis pais de Languedoil par deçà la rivière de Seine ungaide de trois cens mil frans, laquelle somme avons fait départir par nos dis païs, chacun selon sa porcion, au mieulx que faire se peut et en faisant nostre dit chemin, aions fait assembler par devers nous les gens des trois estas d'aucuns des dis païs par lesquelx sommes passés comme de Limosin et d'Auvergne, et appres ce que leur avons fait remonstrer nos dites affaires, fait mectre sus es dis païs leur part et porcion du dit aide et soit besoing de envoler es autres de nos dis païs de Languedoil, esquelx ne povons aler pour la cause dessus dicte : pour ce est il que nous, ce considéré, confians de voz sens, loyaultés et bonnes diligences, vous mandons et expressément enjoignons en commençant par ces présentes que vous vous transportés en l'élection de nostre || (fol. 2 v°) dit païs de Lyonnois, laquelle élection pour sa part et porcion de la dicte somme de trois cens mil frans avons tauxé et imposé a la somme de sept mil livres tournois, et appelles et assemblés par devers vous en la ville de Lyon les gens d'esglise, nobles et habitans d'icelle, telz et en tel nombre que verres estre expédient et convenable, et que bon vous semblera leur signiffîés et faic-
PIÈCKS JUSTIFICATIVES 465
tes savoir nostre dicte ordonnance, deliberacion et, ce fait, la dicte somme de sept mil livres tournois asseés et imposés en la dite élection avec les frais raisonnables en manière que la dicte somme puisse venir ens franchement, le plus justement et ej^alement que faire se pourra, le fort portant le foible, sur toutes manières de gens lai/ previllegiés et non previllegiés et sans préjudice de leurs privilèges pour ceste fois, exceptez seulement nobles vivans noblement, non marchandans et suivans les armes ou qui par viellesse ne les puent plus suir, no/ officiers ordinaires et commensaulx, vrai/ escolliers, estudiens sans sans fraude pour acquérir science et povres mendians, et en oultre pour ce qu'il nous || (fol. 3 r") est bcsoing d'avoir et recovrer promptement une partie du dit aide pour l'avancement de nostre dicte armée et autres affaires dessus dictes, nous voulons et vous mandons et commectons comme dessus que vous faictcs ou faicles faire finance par emprunt ou autrement de la moictié de la dicte somme et icelle asseés et imposés ou faites asseoir et imposer sur les plus aisiezet puissans des bonnes villes de la dicte élection en leur faisant bailler par le receveur qui sera par nous commis a recevoir le dit aide, cedulle ou assignacion sur les villes et parroisses qu'il/ requerront de ce cju'ilz presteront pour le recouvrer sur le dit aide dont nous voulons qu'il/ soient entière* ment restitués par le dit receveur sur icelluy déduit et rabatu ce que montera leur taux et impostz et a paier et bailler promptement le dit prest et aussi le taux du dit aide a deux termes, c'est assavoir au premier jour de juing prouchain venant et au XV" de septembre ensuivant par égal porcion contraignes ou faictes contraindre reaiment et de fait || (fol. 3 v°) tous ceulx qui seront a contraindre par prinse de corps et de biens et par toutes autres voies et manières acoustumées pour noz propres debtes, non obstant opposicions ou appellacions a ce contraires et se de partie a partie naist sur ce débat ou opposicion les dis emprunt et aide premièrement paies vous esleus faictes aux parties oyes bon et brief droit ; de ce faire vous donnons povoir, auctoreté, commission et mandement especial. mandons et commandons a tous noz justiciers, officiers et subgez que a vous etavoz commis et depputés en ce faisant obéissent et entendent diligemment et vous prestent et donnent conseil, confort, aide et prisons, se mestiercstet requis en sont. Donné a Riom le XXV^IIP jour de mars l'an de grâce mil IIIIc trente huit et de nostre règne le dix septiesme, avant Pasqucs. Par le roy en son conseil.
.1, Dlion.
(Arch. mun. de Lyon, CC 290, n° i4).
IJniv. de LyoS. — Caii.let î^O
