PIÈCE CXCIV
1447^ 6 août, Bourges. — Lettre de Charles VII aux élus sur le fait des aides ordonnés pour la guerre et au receveur commis au pays de Lyonnais à recevoir et faire le paiement des gens d'armes logés par son ordonnance au pays de Lyonnais pour l'année suivante, leur^prescrivant de faire payer aux gens d'armes établis dans ce pays qu'il renvoie en Italie, leurs gages de 3 mois (août, septembre, octobre), à raison de Si livres par mois par lance fournie, et de faire lever l'impôt destiné à cet objet.
[Voir p. 129]. (Copie sur papier.)
(fol. I r") Charles, par la grâce de Dieu, roy de France, aux esleuz suz le fait des aides ordonnez pour la guerre et au receveur par nous commis au pais de Lionnois a recevoir et faire le paiement des gens d'armes logiez par nostre ordonnance en celuy pais de Lionnois pour ceste présente année commençant le premier jour de janvier dernièrement pass é, salut. Comme nagueres, pour Texecucion de certaine entreprise que avions et encor avons hors de nostre royaulme et es pais d'Italye ayons fait delougier de leurs logeiz certain nombre de nous gens de guerre pour aler en icelle intreprise et eussions iceulx fait aler des pasques passées et eulx transporter jusque au Daulphiné et es marches du dit pais de Lionnois, mais obstant certaines nouvelles qui lors nous survindrent, feismes retourner en leurs dis lougeiz les dis gens d'armes et soit ainsi que présentement ayons reprinse la dicte matière, laquelle ne ce peut faire ne exécuter sans les dis gens d'armes et que a toute diligence il aient es dis pais d'Italie, ce que bonnement ne se peut fere sans avoir leur paiement de trois mois, c'est assavoir de ce présent mois d'aoust, septembre et octobre prouchain ensuivant, avons ordonné et ordonnons par ces présentes que présentement les dis gens d'armes feront le dit voyage et seront paiez des dis trois mois (fol. 1 v°) || a trente une livre pour mois pour lance fornie; si vous mandons et estroictement enjoingnons par ces présentes et a ung chescuij de vous é a droyt soy, si comme a lui apertiendra, que incontinent ces lectres venez et sans aucun delay vous faictes limpost des dis gens d'armes au dit pais de Lionnois, se ja fait ne l'avez sur toutes magnieres de gens qui ont acoustumé de contribuer au dit paiement et a icellui paier promptement et sans aucuns suspens et delay pour les dis trois mois, c'est assavoir pour ce dit présent mois d'aoust et les mois de septembre et octobre prouchainement venans, et contraingniez et faites contraindre les dessus dis par toutes voyes et manières en tel cas acoustumées et comme il est acoustumé faire par noz propres debtes et non obstant opposicions et appellacions quelconques en procédant chenun *
1 Pour chescun.
PIÈCES JUSTIFICATIVKS 483
de vous endroit soy en ceste matière, tellement que faulte n'ait au dit paiement des dis trois mois, lequel voulons leur eslre présentement fait par toy receveur dessus dict en prenant quictance seulement du capitaine des dis gens d'armes des dis trois mois seulement et pour faire diligence de trouver le dit paiement en quelzque manière que fere le pourrez, voulons et consentons que pour les fraiz qui sont ou pourront estre de recouvrer le dit paiement des dis trois mois qui encores est a escheoir, vous imposez pour les dis fraiz et prests d'argent avec l'impost des dis trois mois, se fait ne l'avez au sur (fol. 2 r°) 1| l'impost des autres trois mois advenir ainsi que verres estre mieulx a fere la somme de huit vings livres tournois que voulés estre baillées par le dit receveur a ceulx qui feront finance et qui presteront et avanceront le dit paiement par leurs simples quictances seulement par lesquelles rappourtant avec ces dictes présentes voulons toy receveur dessus dit en estre et demourer quicte et deschargié en ces comptes par nous amez et feaulx gens de noz comptes, ausquelz nous mandons ainsi le fere sans diflîculté. Donné a Bourges le \P jour d'aoust l'an de grâce mil CGCC quarante et sept et de nostre règne le XXV"^''. Par le roy en son conseil.
CUA
LIGAUT.
(Arch. mun. de Lyon, CC 290, n^ 23.)
