PIÈCE CCXVII

[1452] 18 octobre, Cleppé (près de Feurs). — Lettre (close) de Charles Vil aux Lyonnais, leur ordonnant d'obéir aux ordres du sire de Cliarlus, grand maître d'ostel, et de Jean Dolon, maître d'hôtel.

[Voir p. 144-145]. (Original sur parchemin. Le sceau n disparu, mais a laissé au dos une empreinte rouge. L'adresse a dû disparaître avec la queue de parchemin sur laquelle elle était écrite.)

De par le Roy.

Ghiers et bien amez, nous envoyons présentement par delà nostre amé et féal conseillier et chambellan le sire de Gharlus, grant maistre de nosire hostel, pour vous dire et remonstrer aucunes choses de par nous qui grandement touchent le bien de nous et de nostre ville de Lyon, et avons ordonné au dit grant maistre et a nostre amé et féal conseillier

Jehan Dolon, aussi maistre de nostre hostel, qui est par delà, qu'ilz communiquent avec entre vous touchant les dictes matières. Si les vueillez croire et adjouster foy a ce qu'ilz vous diront de nostre part. Donné a Gleppié près Feurs en Fourez le XMII^ jour d'octobre.

Charles. De la Loere.

(Arch. munie, de Lyon, AA 22, n° 38.)

PIÈCE CCXVIII

1452, 19 octobre, Eglise Saint-Êtienne. — Procès-verbal d'une réunion des consuls, au cours de laquelle il fut décidé de s'entendre avec le chapitre, au sujet de l'offre faite par le grand maître d'hôtel, au nom du roi, de faire donner à la ville une garnison.

[Cité p. 144, n, I et 2]. Le jeudi XIX*" jour d'octobre, heure de vespres, l'an mil IIIL' LU en l'église Saint Estienne.

Sur ce que monsegneur le grant maistre d'ostel du roy nostre sire leur a aujourd'ui matin en l'oslel Monsegneur le prevost de Monjou dit et relaté entre autres choses que le roy estoit d'entencion après ce que Monsegneur de Savoye lequel doit estre bien brief par devers lui aura besognié avecques lui de eslognier ce pais et soy retraire en aucun lieu en Bourbonnoys ou en Berry et illecques mander et assembler sur le printemps qui vient les seigneurs de son sanc pour adviser sur ce qu'il a a besognier avec Monseigneur le Daulphin et qu'il avoit charge du roy de le leur ainsi communiquer et fere assavoir afiln d'estre tousjours cependant sur leur garde et de leur bailler, se besoing estoit et bon leur sembloit, gens d'armes en garnison pour la garde de la dicte ville et aux despens du roy, etc ; ilz ont advisé et esté tous d'oppinion que pour plus seurement procéder et pour garder la dicte ville d'aucun inconvénient bon sera de prandre et retenir en garnison, s'il plaist au roy que ainsi soit, en la dicte ville aucun nombre de gens d'armes tel qu'il sera advisé, pourveu qu'il y ait ung bon chief sage et discret qui ait charge de par le roy de fere toutes responses a qui et ou sera besoing et neccessité, afin de garder la dicte ville de tumber en malvuillience et indignacion envers mon dit seigneur le Daulphin ne autres, et que bon sera, de savoir et avoir sur ce l'oppinion de messegneurs de chappitre, pour laquelle oppinion avoir et savoir ont arresté que les dis messires Jehan Grant, Aynard de Villenove et Benoit Cheval se tireront demain matin par devers iceulx messires de chappitre et rapporteront ce quilz leur auront dit pour conclure plus a plein.

(Arch. munie, de Lyon, BB 6, fol. 28 v°.)

(Ligne 5 du fol. 28 v° — fol. 2g r").