PIÈCE CCXXVI

[1454] dimanche 3f mars, GrenoWe. — Lettre d'un capitaine de gens d'armes aux Lyonnais, leur annonçant qu'il viendra le 9 avril passer la montre des gens d'armes et les prioM de chasser toutes les personnes suspectes.

[Cf. p. 147-148]. (Original sur papier, la pièce a dû être scellée.) A messegneurs les cosses, bourgooys et habitans de la ville de Lyon. (Au dos.)

Messeigneurs, je me recommande a vous, tant comme je puis; depuis nagueres, suis arrivé de devers le roy, lequel fait grant chiere, la grâce a Dieu et est bien accompaigné de la plus part des segneurs de son sanc, et de bien grant nombre de gens d'armes; il m"a envoyé par deçà pour le fait des gens d'armes de ce pays, et m'a donné plusieurs charges entre lesquelles m'a chargé vous saluer de par luy et vous dire que sa confiance est en vous plus que en ville de son royaume, car tousjours depuis qu'il est ne lavez servy comme bons et loyaulx, et tant en sa povreté et adversitez comme en sa félicité, en vous priant maintenant de bon cueur que se vous avez bien fait, que facez encores mieulx et que vueillez bien garder vostre ville, et aussi que s'il y avoit aucuns en la ville que vous

fussent suspectz, que les mectez dehors, incontinent, comme j'ay entencion vous dire plus amplement le IX^jour de ce moys d'avril que seray par delà pour recevoir les monstres de noz gens d'armes; messeg-neurs plus ne vous escripz pour ceste heure. Je prie le benoist Saint Esperit qui vous doint accomplissement de voz désirs. Escript a Grenoble ce dimenche derrenier jour de mars.

Celui qui est plus que vostre.

ibJdJAilL

(Arch. mun. de Lyon,AA 82, n" 14.).

PIÈCE CCXXVII

[1454] 10 juilLet, Précigny le Chatel. — Lettre (close) de Charles VII aux Lyonnais les félicitant de la façon dont ils gardent leur ville, fait qu'il a appris par Vévêque d\4let et Jean d'Aulon, chevalier.

[Cf. p. iSS-iSg]. (Original sur parchemin. Au clos, empreinte en cire rouge du sceau disparu.)

A noz chiers et bien amez les conseilliers, bourgois, manans ethabitans de nostre ville de Lyon. (Sur la queue de parchemin ayant enveloppé la pièce.)

De par le roy.

Chiers et bien amez, par noz amez et feaulx conseilliers Tevesque d'Alet et Jehan d'Aulon, chevalier, maistre de nostre hostel, avons esté advertiz des bonnes et grandes diligences qu'avez fait et faites chacun jour pour la garde et seureté de la ville de Lyon et du bon vouloir qu'avez a tousjours faire tout ce qui de par nous vous est ordonné, dont sommes bien contens et vous savons très bon gré, et voulons et vous mandons que en continuant en vostre dit bon vouloir, vous persévérez a bien et seurement garder la dicte ville et faire ainsi que nos diz conseilliers vous ordonneront de par nous et vous nous ferez grant plaisir, dont tousjours aurons vous et les affaires d'icelle ville en plus especialle recommandacion.

Donné a Précigny le Chastel en Touraine, le WI*" jour de juillet. Charles. 1'-. Toreau.

(Arch. mun. de Lyon, AA 22, n" 53 )