PIÈCE CCLX

1461, 17 octobre, Heure de vêpres, Saint-Jaqueme. — Procès-verbal d'une réunion au cours de laquelle fut entendu le rapport de Jean Grand et de Pierre Thoviassin qui, envoyés auprès du nouveau roi Louis XI pour obtenir une diminution des impôts, se sont vus refuser cette faveur et " ont dû, pour obtenir le maintien des privilèges des foires, promettre 300 écus d'or neuf payables par la ville à messire Cadorat. bailli de Viennois, envoyé en Catalogne.

[Cité p. iG8, n ij. Le samedi XVII'' jour du moys d'octobre, Tan mil IIII'^ sexanle et ung, en la chappelle Saint Jaqueme, heure de vespres.

Le dit messire Jehan Grand et aussi Pierre Thomassin illec venuz, et lesqueulx avoent esté en anibaxade devers le roy Nostre Sire pour la dite ville, et lesqueulx vinrent au jour d'yer de soir de la dicte ambaxade, ont fait leur rapport et relacion par la voix du dit messire Jehan Grand, touchant ce qu'il/, avoent fait et peu besoigner devers le dit segneur, dîsans que après l'obéissance faicte au dit segneur par eulx de par la dite ville, laquelle obéissance icellui seigneur benignement et joyusement avoit receue, combien qu'ilz eussent supplié et requis au dit segneur d'avoir abolicion ou au moyns aucune diminucion et solagement touchant le fait et charge des aides et gabelles et aussi des tailles et vivres des gens d'armes en ce ne autres leurs requestes n'avoent peu riens fere ne obtenir du dit segneur sinon tant seulement confirmacion de la franchise des foyres en la forme et manière qui premièrement avoent esté octroyez et aussi des lettres du dixième du vin et barrage du pont du Rosne, pour laquelle confirmacion des dites foyres, dixième et barrage leur avoit convenu donner et octroyer au dit segneur la somme de cinq cens escuz d'or nuef, oultre seaulx et escriptures ; autrement n'eussent peu avoir ne obtenir la dite confirmacion et laquelle somme, comme disoent, le roy avoit assignée et délivrée a messire Cadorat son maistre doslel et bailli de Viennoys, lequel il envoyuoyt en ambaxade ou pais de Catholognie et lequel estoit venuz avecques eulx devers le dit segneur en ceste ville et auquel messire Cadorat iceulx messires Jehan Grant et Thomassin avoent convenu et accordé bailler et délivrer la dite somme dedans mars prouchain vennant, requerans pour ce iceulx messire Jehan Grant et Thomassin icelle somme estre bailliée et délivrée au dit messire Cadorat parles dis conseilliers des deniers communs de la dite ville ; sur quoy et oy par les dis conseillers le dit rapport et deliberacion prinse entre eulx en l'absence des dis Grant et Thomassin yssus du dit conseil, combien que leurs oppinions l'eussent et s'accordassent de paier la dite somme des dis deniers communs ont conclud et arresté et ont fait response es dis messire Jehan Grand et Thomas* sin qu'ilz feront mander a demain matin conseillers vieulx et nouveaulx

PIÊCIvS JUSTIFICATIVKS 549

maistres de mestiers et autres notables de la dite ville pour leur communiquer ledit rapport et ce rpie dit est, afiln d'avoir leurs advis, oppinions, et consentement, se la dite somme il/, doivent délivrer ou non et autrement y conclure comme plus a plein sera veu et advisé. (Arch. mun. de Lyon, lUî 8, fol. 189 v'^-i()o v°.)