PIÈCE CLXXVI

[1464] Requête adressée aux consuls par Michel d'Aillii'res, fermier de la rêve et de Vimposilion foraine, leur demandant 400 écus de dommaoesintérêts pour les pertes à lui occasionnées par la défense fuile aux marchands d'aller aux foires de Genève.

[Cf. p. 182 et 280]. (Sur papier.) A mes honnorez segneurs, niessegneurs les conseillers de la ville de Lion.

Mes honnorez seigneurs, Michiel d'Allieres vous supplie en l'onneur de Dieu, que iiz vous plaise de adviser en son cas, el de regardé chescun en droit de soy, se pour la communaulté nulz de vous vouldroit perdre une telle perde que le dit Michiel a fait oullre la recompensacion que luy voulés fere, car despuis que le roy fist crier que nul ne alast a Genefve, la recepte de la rêve et imposicion foreine et marque, a esté faicte par main tierce, et baillié l'argent aux receveurs. Je suis crestien et n'ay que une ame a sauver, mais sur la dampnacion de mon ame, oultre la recepte que a este faicte, je suis demoré devant au receveur du demayne deux cens quatre vins dix frans aux receveurs de la marque quatre cens frans et a celluy de Timposicion foreine deux cens septante cinq frans, et aucuns de vous aultres messegneurs m'avoient donné a entendre que vous seriez contans de venir a troys cens escus, cent sur Raoulin Guerin, et deux cens sur Gilet de Ghaveyrie, moy confiant que me feissiezmieulx, me suis voulu soubmectre a vostre ordonnance, vous voyés la perte que je foys sans le gayn que je y devoye fere, car pour les foires je ne voy nul a qui Ton veulhehoster son gayn ne son chastel senon a moy, chescun en, loue ses meysons et ses ouvreurs^ le double, et Ten veult que je en soye desent et destruit et perdre le chastel et le gayn dont est très mal fait, et revereument parlant me samble que en mon cas l'en a bien peu de regart, comme ai celluy qui est en la indignacion de toute la communaulté. Dieu scet le bien ou le mal que je ay fait a la ville et pays ; vous estes commis par toute la communaulté de la ville pour oyr les pelis et lez grans et pour gouverner le fait de la \'ille et pour fere raison a tous compleignans, et par non fere tort a nully, et par ainsi croy que le ferés a moy; pourquoy je suis Tung des compleignans de la ville, et me plaings a Dieu el a vous comme le plus grevé de la ville, ne qui y fut de âge de homme, pour la chouse publicque, je avoye fait demander pour ce que je ayme mieulx astre grevé que ce la ville l'estoit, quatre cens escus a prandre, cent escus sur Raoulin Guerin et troys cens sur Gilet de Ghaveyrie, se ilz vous plaist me appoinctées a icelle somme et vous serés bien et aumosné que n'est pas a comparer a mon interest et dommage; aultrement me pardonnerés, car

» Littéralement u ouvroir ». Vient de operatorhiin.

il me fauldroit complaindre a Dieu, au roy et la ou je pourroye avoir recours, se ilz vous plaist, sans moy plus deslayer mectres conclusion en mon cas et je prierey Dieu pour vous.

(Arch. mun. de Lyon, CC 4«8, n° Sa.)