PIÈCE CCLXXVIII

(140)5), 17 août. Le Puy. — Lettre des consuls du Puy aux consuls de Lyon protestant de leur fidélité au roi, que les Lyonnais les accusent à tort de vouloir trahir, et leur annonçant que ce jour-là même une tentative a été fuite publiquement auprès d'eux, sans succès, au nom du régent, le duc de Berry, du duc de Bourbon, gouverneur du Languedoc, et de son lieutenant^ le vicomte de Polignac.

[Citée p. 181, n i]. (Original sur papier. A été scellé sur cire rouge, Le sceau a été plaqué au dos sur un morceau de papier.)

A noz très chiers segneurs et frères messegneurs les conseillers de Lyon (au dos).

Baillée le XX!!!!*^ daoust M. IIIIc L XV [au dos, d^une autre main).

Très chiers seigneurs, bons et especiaulx amies, tant de bon cuer que

faire pouvons, nous recommandons a voz bonnes grâces, ausquelles plaise sçavoir que nouvellement nous a esté rapporté par certains nierchans de ceste présente ville venans de la foire de Lyon que, en la dite ville de Lyon, on nous a donné charge et reprouche, en disant que ceste présente ville estoit tenant parti contraire au roy et plusieurs autres parolles qui sont et seroient dures a endurer, dont avons esté et sommes fors merveilles; très chiers segneurs, bons et especiaulx amis, sapchiéspour vrav et pour certain que oncques ceste ville ne tint ne ne tendra autre parti que celluy du roy et en son obeyssance veulent tous les habitans de la dite ville vivre et mourir, oncques ne varièrent ne ne fairont, et pour ce, très chiers segneurs, bons et especiaulx amicz, vous prions tant que faire pouvons que, se aucune chose vous ou autres de la dite ville de Lyon avyés sceu ou entendu que peut nuyre ou prejudicer, et sur quoy faille donner provision, qu'il vous plaise le nous escripre, et nous en advertir en toute diligence, ad ce que aucun inconveniant n'en adviegne,que Dieu nevueille; en ce faysant, très chiers segneurs, vous fairés service au rov et nous vous en serons obligiez et actenuz, aussi se la ville a besoing d'ayde ou secours de gens ou d'arnoys dont vous et les autres segneurs de la dicte ville de Lyon nous puissiez secourir, vous prions que ad cest besoing ne nous veuilhés faillir, ainçois nous veulhés avoir et tous les habitans de ceste ville en comun et particulier en singulière recomandacion, car autant en fairons pour vous et vostre ville de Lyon en cas semblable ; on a fayt yci aujourd'uy aucunes cryées de franchise dissimulée par gens d'armes davant la porte de ceste ville, pour cuider, enduire et séduire le peuple et le conduire a obeyssance contraire, mais ce nonobstant, tout jour, a demouré et demeure, la Dieu mercy, le peuple en bon et grand vouloir pour le roy et en vraye obeyssance ; la dite cryée a esté faicte de par très hault et puissant prince. Monseigneur le duc de Berry, régent le reaime et de par monseigneur le duc de Bourbon, gouverneur de Languedoc et aussi monseigneur le visconte de Polignhac soy disant lieuctenant de mon dit seigneur le duc et commissere et icelle partie. Très chiers seigneurs, especiaulx et bons amies, de ce vous adverlissons, affin que en escripvés et en advertissiés le roy, s'il vous est possible et s il vous plet chouse que la ville puisse pour vous faire et la dite ville de Lyon en comun en particulier ou nous la fairons de très bon cuer et grand vouloir au plaisir et ayde Nostre Seigneur que par sa saincte grâce vous donne bonne vie et longue. Escript au Puy, soubz le contreseel de nostre conssolat et seing manuel de nostre graffier, le XV!!*" d'ahoust.

V^ostres frères et bons amies les conssuls du Puy, du commandement de mes dis seigneurs. Servientis,

(Arch. mun. de Lyon, A.A 74, n" '27.)