PIÈCE CCLXXXIV

1468. Extrait des instructions données auxrcprcsenlants de Lunn uu.r Etats- Généraux de Tours, U6S

[Voir p. 197, cf. p. 277]. (Sur papier). S'ensuyvcnt les points qu'il semble qu'on doit mectre avant es estatz.

« Item et pour ce que a ce royaume confrontent plusieurs paysestranges ou se forgent diverses monnoyes estranges tant d'or que d'argent, moindres de poys et loy que celles que le dit segneur fait forger eu son dit royaume, lesquelles monnoies estranges les habitans es extremitez du dit royaume, confrontans es dis pays estranges sont contraincts prendre et mectre a cause de la communicacion et contractacion de la marchandise qu'ilz font avecques les dis estrangiers qu'il plaise au dit segneur commectre en chacun lieu des dites extremitez de son dit royaume mesme-

ment es bonnes et grosses villes ou icellui seigneur fait forger monnoie ung des generaulx des dites monnoyes ou autre en son lieu homme de bien du lieu mesmes qui soit en ce expert, souffisant et ydoine pour fere l'essay des dites monnoyes estranges et les advalluer pour non les mectre ne laisser courir es dis pays du dit royaume que pour leur juste pris et valleur, car sans ce les dis habitans es dites extremitez ne pourroient vivre ne eulx entretenir...

Item et semblablement qu'il luy plaise retrancher le nombre des officiers et gardes du maistre des ports en la dite ville et y mectre tel nombre que neccessere sera, comme quatre pour la porte de Saint Marceau et aultant pour la porte du pont du Hosne sans plus, et les nobles, gens d'église et autres notables marchans soient creuz par leur serement sur le port du billon, etc., sans ce quilz puissent estre par les dis officiers et gardes despoillez ne si rudement traictez, comme ilz sont.

(Arch. mun. de Lyon, .AA 147 paragraphes 3 et 5 d'un mémoire non coté.