ORDONNANCES DE PIERRE AIIÉOUD CAPITAINE DE LA SANTÉ
(Archives municipales de Grenoble, GG. 661.)
14 novembre 1564.
Ce xime jour du mois de novembre 1564, estant venu a la notice de Monsieur le Chappitaine de la santé, que les infectz se promeynent par la rue de trescloistre et vyenent a toute heure prandre d’adnyment, du vin et aultres, sans avoyr esgard aux infections ; a ceste cause, est faicte injonction et commandement a tous ceulx de la rue de ne recepvoyr ny vandre aux infectz aulcun adnyment sur peyne de cinquante lyvres tournoys et de demeurer troys moys de hors Grenoble, sur le sceu des troys surveilhans, scavoyr Guilhaume Chavet, cordonyer, Anthoine Baron, Berthon Terras, lesquels s’il y a aulcuns qui desobeyssent le feront scavoyr au chappitaine de la santé ; ausquels ledict chappitaine donne authorité et puyssance qu’il en ha.
Pierre Aréoud.
(Au bas de la page : ) Ledict ordre a esté publié en trescloistre par Mes Domeynez Raffin dict Lombart, trompette et cryeur dudict Grenoble, par lesdicts surveilhans et plusieurs aultres. Ce xime jour de novembre 1564.
Baron.
Plus le quinziesme dudit novembre mil ye soixante quatre a esté faicte cryee par ledict Lombard, de par ledict seigneur Roy, messeigneurs de la Cour de parlement et ledit sieur cappitaine par les carrifours de la vile.
Roulx.
17 novembre 1564.
De par le Roy Dophin notre soverain segnieur et meseignieurs tenans la cour de parllement de se pays de dophiné, Et monsieur métré pierre Areaulx docteur en medesine et capiteyne de la santé, et de messieurs les consulz dudit leu, et fet espres comandement a thous manans et abitans de la presante syté de ne tué aucun porseaulx dans la dicte ville, ains deors ; sur peyne de conficatyon des die porseaulx au povres et de dix livres d’emande au povres, et sez pour la troyziesmeproclamatyon, sans jameys avoyr esgar en rien.
Pierre Areoud.
Faict ce xvne novembre 1564.
24 novembre 1564.
De par le Roy, nosseigneurs de la Cour de parlement et le capitaine et superintendentz de la santé en ceste ville de Grenoble,
Est enjoinct et commandé a tous les manans et habitans des rues de Sainct Laurens et de la perrière ayans en leurs maisons portes et fenestres par lesquelles on peult entrer ou sortir du costé des vignes et de la montagne, qu’ilz
ayent a fermer ou fere fermer a chaulx et arene lesdictes portes et fenestres. Et ce dans quatre moys prochains sur peine de dix livres d’amende contre le chascun quy se trouvera n’avoir obey et satisfaict dans ledict temps ; aplicable ladicte amende moictié au Roy et l’autre aux povres de l’hospital. Et cependant leur est enjoinct de fermer les dictes portes et fenestres et icelles tenir fermées soit de murailhe crené en pisey avec pallissons ou par plotement de façon que nul n’y puisse entrer ny sortir. Et ce dans trois jours, sur peine de cent solz d’amende contre le chascun qui se trouvera n’avoir satisfaict dans ledict delay, aplicable ladicte amende envers qui dessus. Aussy sont faictes inhibicions et deffenses a tous les dessusdicts de désormais entrer, sortir ne permectre que nul autre entre, sorte par lesdictes portes et fenestres pour quelque occasion que ce soit sur peine du fouet et d’amende arbitraire.
(A la suite, d’une autre main :) Est aussi faict exprès commandement aux tenantiers des meisons et locateires et ceulx qui louent a aultrui botiques, de, a ceulx qui louuent sur peyne de perdre ledict louuage et aux locateires qui les prenent d’eux, de ne se tenir en botique, ni fere leur exercise sans havoyr chambre ou moyens de privés pour fere leurs immondices, sur la mesme peyne que dessus et demeurer bani ung an dehors de ladicte ville.
Leuz et publié le 24e novembre 1564.
Derrines (?)... secrétaire dudit capitaine.
24 novembre 1564.
On faict assaveyr de par le Roy daulphin nostre sire, messeigneurs de la court de parlement de ce pays, mon-
sieur le juge commun de la présente cité, messieurs les consulz et monsieur Me Pierre Areoud docteur medicin, capitaine et superintendant de la santé publicque dudict Grenoble, à tous manans et habitans dudict Grenoble de quelque estât et quallité qu’ilz soyent, que tout promptement et deans une heure précisément ilz ayent nettoyer ou feit nettoyer chascung au devant sa maison et feit porter les immundices et ordures en l’eaue de l’Ysere. Et ce sur pene de sept solz vi d. t. esquelz ilz sont des a présent condemnez sans desport, applicables aux officiers qui contraingeront les contrevenans, ce qu’ilz porront fere nonobstant appellation ou opposition, attendu que c’est chose urgente et necessere et pour la conservation de la santé publicque. Fait le xxime novembre mil vf; soixante quatre.
Grenoble, imp. Allier frères.
Sr • 1 -
