ÉLIE BERGER
qu'il eut devint giiés malade, et fu lié de la maladie, quar il voloit mieus morir que estre torjor en prison, puisque droit estoit mors por li. Il requit confecion et le cors Nostre Segnor a avoir. Tôt ce li fut née. Adonques ot il pour de perdre s'ame après le cors. A plus tôt que il pot il mit son cors a sauveté en l'esglisse de la mère Dieu. La vint le prevot du liu a li, et li demanda porquoi il estoit esu de la prison. Il dit : Por ce que il ne povet avoir droit, et si l'avoit quémandé mesire Jehan d'Acre. Li prevot dit : « S'en vous voloit fere droit, rentarez vous en la prison lo roi ? » Li chevalier dit : « Oil, molt volentiers, mes que soie cuiste de la prison brisée par amende d'argent. » Li prevot dit: « Comment seron nous seurs que vous ce voloit fere? « Li chevalier dit : « Je suis près et apareslié de rentrer en la prison en tel mennire que, ce li baillis mande que il me voille fere hatif droit par les chevaliers de ceste chastelerie, que je demeur en la prison por le droit atendre, et ce li baillis ce ne veut fere, ,que vous m'i remetoiz. » Li prevot dit : « Ce ne vous feré pas, quar je aroie pour que je ne vous peeusse ici remettre, se vous en aviez mestier ; mes, si vousplet, sofrez qu'il est ceens .1. home en .1. ennel par .1. pié et vous par l'austre. » Li chevalier dit : « Ensoies le soufaré ge que je desirete ne moi ne mes enfans. » Li baillis mande au chevalier que seurs et certein soit il que volentiers [orra] ces resons contre ses aversares, et volentiers le fera passer par jugement de chevaliers ; et dit li baillis que volentiers li eidera envers lo roi a son povoir; et li chevalier entre en la prison en ce droit atendant ; .1. en ou plus avoir ne le puet. Li chevalier requier au roi de France por Dieu que il voille qui viengne par devant li por soi espurgier de ce fet et de toz austres, tant que cuiste puit demorer, si nez que chevalier doit estre de toz fez ; que li rois est merci de li por Dieu, et ce cen ne puet fere, il donc plain pover au roi de fere de li sa volenté, san soi mesfere en riens.
Au dos : « Ceste chose est de Pierre Pilart, chevalier. »
A vostre grant hautesce, très gentieus rois de France, je Pierres Pillart, du Menil, chevalier de la conté de Biaumont, requier merci por Dieu. Sire, por Dieu, resgardez se j'é tant atendu merci que je la doie avoir, et sachiez que ma doleur est si pême que enviiz enquareiz moi ne autrui ; et si commença en micharesme ot .1. en. Sire, por Dieu, voloiz que ceste doleur prengne fin, et si ne vous plet que j'aie repos, et si me changiez ceste paine a une austre, si vous plet. Et si ne vous plet, por Dieu, quémandez que droit me soit fet. Sire, je le vous requier comme cil qui de chose qui atour a mustre ne a laresin ne a rap ne doute ne Dieu ne droit en riens. Sire, por ce que je vous requier, por Dieu, que vous ceste ennour me faciez, qui vous plesse que je viengne par devant vous por moi espurgier de toz ces fez. Sachiez, Sire, que je en feré ennour a toz ceus qui de gentillesce s'oseront renummer ; et si vous plest que toz les gentieus homes de la conté de Biaumont povres et richez i soies, je vous offre tant à
fèie et a dire divant aus que vous vous tendiez a paie de moi. Et ce ces choses ne vous plesses, si vous requier ge que vous enqueroiz a chevaliers et a bones gens qui m'on veu et conneu mes ouvrez en vostre riaume et dehors, la u j'é sui vous et vos anceseus, en l'aie que en n'ala à Damieste et quan en ala en Sesile, et au siège a Marselles, et au siège de Tunes. En toz ces lius trovarant chevaliers et bones gens qui m'aront veu et queneu mes euvres. En la prisure de tieus gens me metroi ge volentiers ; et feissez ceus qui me héez ' leur pover de moi nuire, quar je cuit pas deniers i eusses mestier.
I. Il manque un verbe qui doit avoir le sens de « laisser » ou de « perdre ».
