De par le Roy

Très révérend père en Dieu, nostre très chier et très aîné cousin. Savoir vous faisons que le duc de Berry nous a signiffié par ses letres a nous apportées par le prieur de Saint Thomas de Canterbirs, que la mortalité est très forte es marches de Boloingne et Galays, et la ou la journée d'assembler des ambassateurs dune part et dautre se feroit a ce XVI' jour de septembre, que seroit un très grant péril a ceulx qui y vendroient, par ont on a advisé de par delà que la dicte journée se tiengne a Bruges ou a Amyens, lequel quil nous plaira. Et si rescripvons pour response au dit duc que pour ce que le dit priour nous a rapporté que nulle mortalité y a es dictes marches, ne y environ en les marches de Pycardie, qui seroit péril aux venans illocques, ou seroit cause raisonable de varier du lieu premièrement ordesteté et appointiépour l'assemblée des diz ambassateurs, il nous semble plus honcst et miculx expédient, selon nostre advis, pour accomplissement de la besoingne, que la dicte journée se tiengne illocques et non aillours. Nient meyns, très chier cousin, il nous plest bien et volons que, ou cas quil semblera a noz diz ambassateurs, quant ilz seront de par delà, que pour aucune cause raisonable l'avandicte journée se tiengne aillours, quils aient povoir soufTisant de par nous de consentir a un autre lieu convenable, et quils puissent donner tielx saufconduiz et seurlcz a louz ceulx qui venront a mesme la journée que besoingn

sera, car scmblablement ceulx de par delà auront ycellui povoir de le faire en cas pareil, si corne le dit duc nous a fait savoir par ses letres avandictes. Si vous mandons que vous facez sur ce faire noz letres soubz nostre grand seel en due forme. Et pour ce, très chier cousin, que le sire Lescrop, qui estoit ordesteté d'avoir passé par delà comme un de noz diz ambassateurs, est tiellement disposez quil ne y pourra aler a ceste foiz, nous volons et vous mandons que vous facez reformer noz letres patentes darrenement faictes a noz ditz ambassateurs, mettant, en lieu du nom du dit sire Lescrop, le nom de nostre très chier et très amé frère Thomas Biaufort, nostre admirai d'Engleterre. Donné soubz nostre signet, aRommeseye, le tierce jour de septembre. A ires révérend père en Dieu, nostre très chier cousin l'archevesque de Canterbirs, nostre chancelier^.

Parfois la formule « Très cher et bien amé n est suivie d'un salut affectueux « Nous vous saluons très souvent. » La date est précédée d'une clause injonctive, sous forme très affable, qui n'est pas comminatoire. « et ce ne vuillez lesser. » La date, au lieu d'indiquer le lieu, est aingi libellée, « a nostre chas tel de, a nostre palais de, a nostre ville de, a nostre cité de, a r abbaye de, a nostre manoir de, a nostre manoir dans nostre parc de. »