STATUTS ET ORDONNANCES

Supposts assistans ledit inay replanté , sera fait le cry accoustumé , et ledit jour seront tenus lesdits Trésoriers bailler gands et livrées , assavoir aux Chancelier, Vischancelier, gens du Roy, Procureur de communauté, Maistres des requestes ordinaires et extraordinaires , quatre Trésoriers modernes , Notaires et Secrétaires, Greffier et premier Huissier, et aux Capitaines et Supposts conduisants ledit may des livrées seulement , dequoy le soir dudit jour à l'assemblée du conseil ils requerront acte.

Pour la conduite duquel may sera par chacun an au mois de mars procédé à l'eslection de douze Capitaines des Supposts faisants charge au Palais, présentez par les quatre Trésoriers , qui seront contraints d'accepter la charge , et faire sonner les tambours et trompettes pendant le mois de may à cinq heures du soir aux jours de lundy, jeudy et samedy, et à la conduite d'iceluy may, et faire doimer des aubades et réveils accoustumez, assavoir à messieurs les premier et second Présidents de la Grand-Chambre , Procuretir gênerai du Roy, Chancelier, Procureur de communauté de Parlement, et à leurs maistres si bon leur semble , le tout à leurs frais et despens , lesquels entre eux feront eslection d'un Collonel, Lieutenant , Enseigne et département des rangs par l'advis du Chancelier, Procureurs du Roy et de communauté, et lequel Collonel sera tenu d'un quart de tous les frais, et les unze restans de trois autres quarts , et ce qui sera arresté par l'advis susdit de ce que lesdits Lieutenant et Enseigne suppleront viendra au support des frais communs , lesquels Capitaines seront tenus bailler et présenter mémoires et pourtraits au conseil d'iceux et leurs