De la grosse troupe des Suisses

soient ceux que mon frère d’Alençon avoit rompus, lesquels1 vindrent jusques aux lansquenets, qui furent si bien recueillis de coups de hacquebules, de lances, et de canons, qu’il n’en reschappa la queue d’un, car tout le camp vint à la huée sur ceux-là, et se rallièrent sur eux. Et cela faict, feismes semblant de marcher aux autres, lesquels se meirent en désordre et laissèrent leur artillerie, et s’en fouyrent à Milan. Et de vingt-huict mille hommes qui là estoient venus n’en reschappa que trois mille qu’ils ne fussent tous morts ou pris. Et des nostres j’ay fait faire reveue, et n’en trouve à dire qu’environ 4000. Et le tout je prens, tant d’un costé que d’autre, à trente mille hommes. La bataille a esté longue, et dura depuis hier les trois heures après midy jusques au jour d’huy deux heures, sans sçavoir qui l’avoit perdue ou gaignée sans cesser de combatre ou de tirer l’artillerie jour et nuict. Et vous asseure, Madame, que j’ay veu les lansquenets mesurer la picque aux Suisses, la lance aux gens d’armes. Et ne dira on plus que les gens d’armes sont lièvres armez, car sans point de faute, ce sont eux qui ont faict l’exécution; et ne penserais point mentir, que par cinq cens et par cinq cens il n’aye esté faict trente belles charges avant que la bataille fust gaignée. Et tout bien débattu, depuis deux mil ans en ça n’a point esté veu une si fiera ny si cruelle bataille, ainsi que dient ceux de Ravennes que ce ne fust au pris qu’un tiercelet. Madame, le seneschal d’Armaignat2