Troupes de cavalerie légère

pour lever le nombre des lansquenetz qui dernièrement ont esté mis sus, ainsi que le Roy a peu estre adverty : lesquelz lansquenets doyvent estre amenez par le conte Félix. Et dit, sur ce enquis, qu’il est certain que led. Connestable, pour ceste heure là, ne feist aucun serment ou promesse de tenir le contenu ausd. articles et ne les signa2, et dit que sur ce que led. de Beaurain luy dist : « Monsr, il fault que « vous jurez de tenir lesd. articles; » led. ,sr Connestable luy dit : « J’en parleray avec vous ». Et dit que la depesche dud. de Beaurain fut telle que led. Connestable luy bailla lettres adressons à l’Empereur, de la substance que s’ensuyt ; « Monseigneur, j’ay veu « ce que m’avez escript par le seigneur de Beaurain , « et vous remercie très humblement du bon voulloir « que vous avez envers moy, et vous prometz que je ne « Vay moindre envers vous , comme vous le dira le « seigneur de Beaurain. » Et envoya led. Connestable quérir Saint-Bonnet pour aller avec led. de Beaurain. Et ce fut toute la dépesche dud. de Beaurain... et croit qu’il n’y ayt eu autre chose.

« Et dict que, ce soir mesmes, led. Connestable dit à part aud. depposant : « Cousin, je ne bailleray « aucung scellé et ne feray aucung serment de cest « affaire icv. Il en viendra comme il pourra, mais « je auray deux cordes en mon arc, et ne seroit

\. Cela est inexact. Saint-Bonnet dépose qu’il fut chargé, comme va le dire Saint-Vallier, d’aller porter au roi d’Angleterre le traité écrit de la main de Beaurain et signé par le Connétable. Les lettres de Bourbon ne permettent pas d’en douter.

« raison que je mescontentasse l’Empereur. » Et led. de Beaurain dit au Connestable que, actendu qu’il failloit aller par Gennes et par mer, de six sepmaines il ne pourroit avoir nouvelles de luy. Et dit que dès l’heure led. de Beaurain dépescha Lolinghau et le secrétaire, l’un pour aller devers le roy d’Angleterre et l’autrej devers l’archiduc, frère de l’Empereur, pour notiffier ladicte alliance. El fut faicle ceste despesche en la présence dud. depposant. Enquis si l’évesque d’Ostun fut présent en ce que dit est et qui y estoit présent, dit que du costé dud. Connestable il n’y avoit autres que ledict depposant, Bavent, Teusanes, Lallière, Laisne ou Lurcy, ne scet lequel des deux. »

Le lendemain 24 octobre, Saint-Vallier, continuant ses dépositions, dit que « lorsque led. de Beaurain fut à Montbrison, en présence de monsr le Connestable, dud. déposant et des dessus nommez, dit et asseura led. Connestable que les Suysses ne seroient pour le Boy, et que l’Empereur en estoit asseuré, moyennant la somme de deux cens mil escuz que led. Empereur leur avoit envoyez, et avoit led. Empereur gens devers les quantons pour cest affaire. Dit aussi led. de Beaurain que les Vénitiens avoient jà fait paix et prins alliance avec l’Empereur, et le dévoient servir envers tous et contre tous, de six mil hommes de pied et huit cens hommes d’armes; et dévoient donner audict Empereur deux cens mil escuz , payables par termes, vingt cinq mil escuz par an, et ne sauroit dire ce que l’Empereur promectoit auxd. Vénitiens...

HO

« Enquis s’il estoit dict parled. traieté que aucun des dessus nommez deust avoir le royaulme de France ou le gouvernement d’icelluy, dit que non. Yray est que led. Empereur promectoit audict Connestable de le faire le plus grant homme de la chrestienté. Dit aussi que led. de Beaurain avoit dit en parlant du roy d’Angleterre qu’il ne se voulloit fyer desd. promesses et alliances, et avoit demandé aud. de Beaurain : « Et moy que auray-je? » A quoy led. de Beaurain avoit respondu : « Sire, « vous serez roy de France. » Et le roy d’Angleterre luy avoit répliqué : « Il y aura bien à faire que mous1' « de Bourbon me obéysse. » Toutes fois dit que par les articles dessus nommez ne par ce qui fut lors dit le royaulme de France, duchés, contez et terres d’icelluy royaulme, n’estoient aucunement divisez ne butinez. Dit aussi que l’Empereur devoit mener avec luy madame Aliénor sa seur jusques à la ville de Perpignan, et là se debvoient faire les nopces entre led. Connestable et lad. dame Aliénor. Interrogé si led. Connestable luy dit ou s’il l’a sceu autrement que lad. dame Aliénor aye envoyé aud. Connestable lettres, bagues ou pourtraicture, dit qu’il a oy dire aud. Connestable qu’elle luy avoit envoyé des lectres, et n’a sceu le contenu d’icelles, et croit qu’il les eust veues s’il fust demouré a Montbrison. Bien scet que luy depposanl estant aud. Montbrison, led. Connestable ne se lya aucunement par serment. Enquis si les articles de lad. alliance et puissance que portoit Beaurain estoient signez et scellez et s’ilz estoient en parchemin ou papier, dit qu’ilz estoient

LE CONNÉTABLE DE BOURBON. \i\

en papier comme si c’estoit une grant fueille de papier estendue escripte tout au travers, et au dessoubz estoit le seing de l’Empereur, c’est assavoir Charles, et son seau imprimé sur le papier, et estoit la puissance dud. Beaurain fort ample pour faire led. traicté de mariage et pour promectre à monsr le Connestable tout ce que bon luy eust semblé, et dit qu’il y avoit ung second papier qui contenoit l’alliance qui estoit entre l’Empereur et le roy d’Angleterre, ou led. Connestable n’cstoitaucunement nommé ne comprins, et estoit signé ce second papier par le roy d Angleterre Henry, et le seau imprimé au dessoulz comme en l’autre de l’Empereur.

« Et dit qu’il y avoit ung tiers papier apporté par led. de Beaurain, qui estoit de l’alliance et amytié entre l’Empereur et le roy d’Angleterre, auquel estoit comprins monsr le Connestable. Et n’est records led. déposant si le tiers papier estoit signé et scellé1. Et dit que s’il eust eu ses lunettes, il les eust tous leuz, et ne les eust sceu lire sans lunettes. »

Saint-Vallier essaye ensuite de persuader à ses juges qu’aussitôt après le départ de Beaurain il avait tait au Connétable les plus vives remontrances. Le discours qu’il s’attribue est très beau, mais les juges ont-ils cru et devons-nous croire qu’il ait été tenu et qu’il ait produit l’effet passager dont il rend compte (f’° 182, v0)?

« Led. déposant... est records que, après disner, led. seigneur Connestable entra en son cabinet et