Procès. Bibl. N., fonds fr., n°5109, f° 180 à

varletz de chambre, comme luy semble, lequel Connestable l’appela, luy disant : « Mon évesque, venez « vous seoir en cette chaise (qui estoit auprès de son « lict), et que tout le monde voise dehors. » Et après que tousceulx qui estoient dedans la chambre, hors mis led. Connestable et luy qui parle, furent sortis, icelluy Connestable dit aud. qui parle : « Re- « gardez s’il y a personne en ceste garde-robbe. » Et led. qui parle y alla veoir et luy rapporta qu’il n’y avoit personne. Alors led. Connestable commença a luy dire qu il se vouloit confesser à luy, et luy demanda s’il tiendroit secret et ne révèleroit ce qu’il luy diroit; et led. qui parle luy promist de le tenir secret. Et lors icelluy Connestable en continuant luy dit qu’il y avoit deux ans ou environ 1 que sa belle-mère, voullant dire de feu madame Anne de France, et luy menoient ensemble une practique avec l’Empereur, c’est assavoir que led. Empereur donnast aud. Connestable sa seur en mariage, et que la chose avoit esté longue pour autant que led. Empereur estoit loing de luy. Et que depuys peu de temps en ça, le seigneur de Beaurain estoit venu devers led. Connestable et luy avoit apporté des lettres de l’Empereur, lesquelles il monstra aud. qui parle; et esloient escriptesde la main dud. Empereur, comme il disoit, de la substance que s’ensuyt comme luy semble : « Mon cousin, je vous envoyé le seigneur de « Beaurain, mon second chambellan, pour aucuns « affaires qu'il vous dira. Je vous prie le croire. »