Procés; Bibl. Nat., ms. 5109, p. 176 v
2. Et qui sans doute, d’aprés lui, aurait di, par reconnaissance, abandonner ses droits sur la succession de Suzanne.
« devez. » — Et lors led. Connestable dist aud. déposant : « Cousin, vous estes aussi mal traitté que « moy' ». A quoy fut répliqué par led. depposant : « Mons’, laissons ce compte a part. » — Kt lors led. Connestable dit aud. déposant : « Cousin, veulx-tu « jurer icy sur le fust de la vraye croix (qu'il portoit a son col) de ne dire jamais riens de ce que je te diray? » Et led. déposant dit : « Oy, Mons" », et meitla main sur la vraye croix. Et lors dit icelluy Gonnestable que |’Emperceur luy avoit offert ung gros party, c’est assavoir de luy donner en mariage madame Aliénor, sa sceur, vefve du roy de Portugal, avec deux cent mil escuz de dot; laquelle dame avoit douaire de vingt mil escuz tous les ans, et pour cing ou six cent mille escuz de bagues et de joyaulx. Et ou.cas que led. Empereur et l’archiduc, son frére, mourussent sans hoirs, il faisoit lad. dame sa seur héritiére de tous ses royaulmes et seigneuries*. Et led. déposant, qui ne luy voulloit en riens contredire pour savoir la vérité du tout, luy dit : « Mons', « estes-vous bien asseuré de toutes ces promesses? » A quoy fut dit par led. Connestable : « Tu verras le « seigneur de Beaurain, qui viendra ce soir devers « moy ; je fe envoyeray quérir quant il sera venu. Tu
1. Saint-Vallier réclamait alors la terre de Valentinois, que son aieul avait vendue a Charles VII, en 1423; Louis XII, en1498, Pavait érigée en duché en faveur du fameux César Borgia; plus tard, en 1548, Henri II en donna la jouissance pour sa vie A la grande-sénéchale Diane de Poitiers, fille de Saint-Vallier.
2. Il est 4 présumer que Saint-Vallier n’ignorait rien depuis longtemps de ces prétendues confidences, qui n’étaient plus le secret de personne au chateau de Moulins.
« orras ce qu'il me dira. » Et aprés souper led. déposant dit bonsoir 4 Mons" le Connestable et s’en alla a son logis.
« Et que le jour mesme, qui estoit vendredi ou samedi, pour ce que on ne mangeoit chair, environ unze heures de nuit, ledict Connestable envoya quérir led. déposant en son logis, qui y alla; et quant il fut en la chambre dud. Connestable, il le mena en une autre chambre en laquelle vint led. seigneur de Beaurain tout seul, car Lolinghan, son secrétaire, et le barbier dud. de Beaurain, qui estoient demourez en une autre chambre, vindrent aprés en lad.
chambre ou estoit led. de Beaurain; lequel de Beaurain, quant il entra dedans la chambre, salua led. Connestable, qui luy feit bon recueil et bonne chére, et luy dit : « Mons" deBeaurain, veez-cy mon cousin, « mons' de Saint-Vallier, qui est un des principaux « amys que j’aye. » Et a ceste cause, led. de Beaurain salua led. déposant, et se entrebrass¢rent tous deux. Et aprés, led. de Beaurain présenta les lettres qwil avoit de ’Empereur, adressans 4 mons" le Connestable, en luy disant : « Mons", I’Empereur se « recommande bien 4 vous. » Lesquelles lettres led. déposant a depuis veues és mains dud. Connestable, et estoient icelles lettres escriptes de la main dudict Empereur, de telle substance : « Mon cousin, je vous « envoye le seigneur de Beaurain, mon second cham- « bellan, lequel vous dira aucunes parolles de par « moy; je vous prie le voulloir croire comme moy « mesme, et en ce faisant me trouverez vostre bon « cousinet amy. Cuan.es. » Et led. de Beaurain, aprés
quelques parolles d’amytié que sceut bien dire, car est beau parleur, en effect et substance dit 4 mons* le Connestable que 'Empereur ayoit esté adverty que le Roy le traictoit mal, et que aussi le Roy n’avoit tenu aucune promesse a l’Kmpereur, combien que led. Empereur de sa part eust toujours tenu promesse au Roy. Kt que led. Empereur youlloit estre amy dud. Conneslable, envers tous et contre tous, sans nul excepter ; et qu’il ne tiendroit que aud. Connestable s’il ne le faisoit ung des plus grans hommes de la chrestienté. Kt a Pheure led. Connestable remercia ’Empereur et dit qu'il voulloit bien avoir ceste fiance envers luy, et demanda aud. de Beaurain veoir ses instruelions et puyssance (pouvoirs). Lequel de Beaurain luy respondit ; « Je ne suys tenu yous monstrer mes « instructions, mais je suis content de les vous mons- « trer. » Kt luy monstra la puyssance que luy avoit donnée l’Empereur pour traicter le mariage avec led. Connestable et madame Aliénor, sa seur... Et au cas que ’Empereur et l’archidue son frére allassent de vie a trespas sans hoirs, estoit accordé par led. mariage que madame Aliénor succéderoit es royaulmes et seigneuries que pour lors tenoit led. Empereur, et prometcoit de faire ratiffier led. traicté de mariage aud. archiduc son frére. Et en oultre, led. seigneur de Beaurain, au nom de l’Empereur, promectoit aud. s'Connestable de ne prandre party d’alliance avec quelque prince qui fust, sans avoir son consentement, et qwil ayderoit et porteroit led. Connestable envers tous ef contre tous, sans nul excepter. Kt dit que led. de Beaurain en oultre portoit articles faiz
et accordez entre l’Empereur et le roy d’Angleterre d’allyance et amytié entre eulx, promectant icelluy Empereur y faire entrer led. Connestable... Et contenoient iceulx articles que led. Empereur devoit venir en France par le quartier de Narbonne : peult avoir deux moys ou enyiron' quwil devoit estre venu, comme luy semble, et ce avec dix-huit mil Espaignolz, dix mil lansquenetz, deux mil hommes d’armes et quatre mil genetaires’, avec grosse bande d’artilleric. Kt le roy d’Angleterre deyoit descendre en France tout en ung mesme jour avec quinze mil Anglois et cing cens chevaulx et grosse bande d’artillerie. L’Empereur luy deyoit envoyer trois mil lansquenetz et trois mil chevaulx pour se joindre avec lesd. Anglois. Et madame Marguerite devoit envoyer quatre ou cing mil Hennuyers pour commencer la guerre sur la frontiére de Picardie; et se debvoient toutes ces descentes et entreprinses exécuter aprés que le Roy seroit party de Lyon pour aller en son voyaige de Myllan. Et led. Connestable n’estoit tenu se déclarer ne mectre aux champs jusques & ce que lesd. Kmpereur et roy d’Angleterre eussent esté dix jours devant une ville de France. Et devoict ledict Empereur bailler cent mil escuz aud. Connestable, et le roy d’Angleterre autres cent mil escuz pour lever gens 4 son plaisir. Lequel argent led. Connestable ne voullut jamais prandre, et le laissa entre les mains des gens de l’Empereur; el croyt que une partie a esté employée
