Bibl. nat., f. fr., n° 2964, f
dans l’ordre des lettres présentées par Semblangay :
« Monsieur de Samblangay, vous m’avez tant de fois et en tous mes affaires, mesmement aux plus nécessaires, si bien secouru et aydé de vous et de voz amys et crédit que ne sera jamais que ne vous aye en estyme et réputacion de meilleur serviteur de vostre estat que j’aye ne que sauroys jamés avoir en mon royaume; et seroys ingrat si ne le recongnoissoye envers vous ct les vostres; mesmement le grant service que vous m’avez derreniérement fait pour le payement des Suisses et aventuriers qui sont en mon service, lequel sans vous et vostre crédit et conduicte estoit demouré, dont moy et mon dict royaume et subgectz estions en danger de tumber en gros inconvenient; qui est ung service que je ne mectray jamés en oubly, car ce a esté ung coup au grant besoing. Et pour ce que, comme vous savez, je suis oultragé de mes ennemys qui, sans cause ne occasion, se sont mis en leur effort d’entrer en mon royaume et le piller ef destruire, et ont fait ot ilz l’ont peu; a quoy moyennant l’ayde de Dieu et la grosse force de gens que j’ay mis sus, tant estrangiers que de mond. royaume, j’ay résislé, et s’en vont honteusement devant moy et mon armée; mais s'il m’est possible et le temps le peult porter, je leur donneray & congnoistre qwilz ont mal fait de venir m’assaillir; et suis délibéré pour ce moys d’employer mad. armée 4 les grever et endommaiger en ce que je pourray, pour venger mes pouyres subgects des maulx, tyrannyes et inhumanitez qu’ilz leur ont faictes. Et considéré que aussi bien fauldroit-il payer mes gens du moys
lL. 14
de novembre pour les renvoyer en leurs pays et maisons, et qu’il vault trop mieulx que je les employe pour cedit moys, par quoy vous prie, mais c’est autant que ung bon maistre peuit faired ung bonetloyal serviteur, que vous m’aydez encores pour ceste foiz 4 retrouver et recouvrer le payement de mesdites gens de pied et armée, et y emploieztous mes bons serviteurs, officiers et subgectz et tous vos amys et crédit, sans craindre de vous obliger 4 eulx en vostre nom, comme vous avez plusieurs foiz fait. Car je vous promectz par ces présentes signées de ma propre main, et l’asseurez hardiement & ceulx qui vous ont fait et feront plaisir, que incontinant mon affaire vydé, ce seront les premiéres parties payées et acquittées, et n’y aura faulte nulle; car j’entendz bien et a ceste heure mieulx que jamais de quoy m’a servy et sert vostre crédit, que je veulx garder comme ung trésor en mes affaires. Et pour ce, monsieur de Samblangay, je vous prie derechef, faictes y en sorte que j’en soye du tout tenu a vous, et qu’on puisse dire que vous seul* avez esté cause d’un si grant bien et honneur pour moy et mond. royaume. Et sur ce, je prie a Dieu que vous tienne en sa trés saincte garde. Escript au mont Sainct-Martin le xvj° jour d’octobre. Ainsi signé : Frangoys. — De Nefville. Kt au-dessous desd. lettres est escript : A mons. de Samblangay mon conseiller et chambellan?. »
Le méme jour, 16 octobre, 4 moins qu'il n’y ait
4. Allusion 4 la priére que lui faisait Semblancay de s’adresser 4 d’autres.
erreur d’un jour dans cette date, Louise, qui avait apparemment pris connaissance ou regu le double de la lettre précédente, joignait ses instances a celles de son fils :
« Mons. de Samblangay, vous voicz maintenant le fort de l’affaire du Roy, et qu'il est moins requis que jamais que, pour ceste heure, ledit seigneur cessast de ses gens et qu’il affloibist sa force, qui est la chose du monde qui peult le plus contraindre ses ennemys a venir a paix, tresve, composition honnorable et advantaigeuse pour led. seigneur. Touteffois que je pense que pour led. moys de novembre il ne sera point de besoing que led. seigneur paye tout le contenu oudit estat qui vous a esté envoyé; qui est la cause pour laquelle je vous mande que vous en escripvez a mondit frére le Bastard ; et croyez, mons. de Samblancay, que je trouve merveilleusement bon que vous faictes ung voyaige devers le Roy, mais non pas plus tost que vous ayez fait tout ce que vous verrez qui est nécessaire pour les affaires dud. seigneur et qui vous semble ce que vous povez mieulx faire estant 1a ou vous estes que avec ledit seigneur. Sur cela et autres occurrences, vous me ferez savoir de voz nouvelles et si fault que je face ou dye aucune chose pour vous soullager. Et 4 Dieu, mons. de Samblangay, lequel je prie vous ayoir en sa saincte garde. Escript de Compiegne, ce xvj° jour d’octobre. Ainsi signé : Loyse. — Babou. Et dessous est escript : A mons. de Samblangay *. »
