DES VILAINS

Chi ensaingne qantes manières i sont de vilains.

Il a en cest siècle .xxiij. manières de vilains : Archevilains et Mategris et Primatoires et vilains Porchius et vilains Kienins et vilains Tubes et Doubles Tubes et vilains Poi Covers et vilains Moussus et vilains Rammages et vilains Asnins et vilains Purs et vilains Babuins et vilains Marcheis et vilains Princes et vilains Cornus et vilains Chapetois et vilains Ferrés et vilains Apenssés et vilains Croupères et vilains Marnères et vilains Escrevicères et vilains Entés.

Chi ensaingne de coi il servent.

Li Archevilains anonche les fiestes desous l'orme devant le moustier, Li Mategris si est cius ki siet avoec les clers el moustier et torne les fuelles dou livre , et vient au prosne avant ke li prestres. Li Primatores si est ciex qui porte la