Pieux ou pilotis

par ladite inhundaeion en ceste présente année et Tannée passée1 ait esté rompue ladite turcie et levée par deux foiz, et à l’endroit du chasteau de Monsoreau 2, et tellement que presque toutes les terres du dessoubz, en venant du lieu de Varennes 3 du long de la rivière de Loyre, qui sont entre ladite rivière et l’Aution, sont comme perdues et gastêes, et mesmement nostre conté de Beaufort; Savoir faisons que nous, voulans supporter et aider au pouvre peupple d’ilecq environ, par manière qu’ilz puissent reprandre ladite rompture et la faire passant comme il estoit acoustumé, et commectre à la visitacion d’icelle homme de bonne diligence, qui vaque et entende diligemment au fait, visitacion et réparacion d’icelle, pour ces causes et autres raisonnables à ce nous mouvans., avons commis et commectons par ces présentes noz biens amez Jehan Bonhalle et Jehan Millesonneau quant à visiter et regarder lesdites levées du long de ladite rivière, à commencer depuis la Sablonnière jusques à ladite rompture ; et leur avons donné et donnons puissance de contraindre de par nous touz ceulx qui feront à contraindre à la réparacion desdites levées où ilz congnoistront qu’il en sera besoing, jassoit ce qu’ilz ne fussent de leur bailliage, considéré que c’est pour le bien commun ; et oultre avons commis et commectons ledit Jehan Bonhalle à distribuer et emploier en la réparacion de ladite rompture la somme de cent livres tournoys, que luy avons fait bailler et délivrer manuelment par le recepveur de la clouaison de nostre ville d’Angiers, de laquelle somme ledit Bonhalle sera tenu rendre compte et reliqua en nostre Chambre des comptes à Angiers ; laquelle despence et distribucion de ladite somme voulons estre certifiée par ledit Millesonneau soubz son saign manuel ; à telz gaiges que par les gens de nostre conseil seront tauxez et ordonnez ausdits Bonhalle et Millesonneau et à chascun d’eulx... Et oultre donnons en mandement à touz noz officiers et subgiez, prions et requérons touz autres que ausdits Bonhalle et Mille-

1. Parmi les inondations de la Loire au xve siècle, celle de 1456 (juste quatre cents ans avant la plus forte du xixe) paraît avoir été particulièrement désastreuse (Cf. le n° 416). Pourtant elle ne figure pas sur la liste qu’a dressée M. Port dans l’intéressante notice consacrée par lui aux Inondations dans le département de Maine-et-Loire , vie sêècte-1799 ( Revue de V Anjou, 5e année, ï, 360).