Le texte porte tou , par erreur sans doute
« Seneschal, Nous avons receu voz lettres faisant mention, entre autres choses, de repparacions qui sontneccessaires de faire en nostre ville d’Angiers et le petit revenu que dictes y estre pour y employer. Nous entendons bien que l’argent qui s’i devoit employer a esté prins et baillé ailleurs, et nous donnons bien mervoille comment l’avez souffert faire, et en vostre présence. Et pour ce que les deniers qui selièvent ennostredicte ville d’Angiers et aux Ponts de Sée pour le fait de la cloaison 1 doivent estre convertiz et employez en la repparacion de nostredite ville et non ailleurs, voulons et vous mandons bien expressément que réaument et de faict vous faictes prandre des deniers qui se lié vent pour ladite cloaison, etd’iceulx faictes repparer nostredite ville où verrez et congnoistrez que sera besoing, et garder qu’il n’y ait faulte. Et au regard de nostre chastel d’Angiers, nous vous envoyons une commission sur ce , le contenu de laquelle voulons estre par vous mise à exécucion, qui est touchant la garde de nostredit chastel. Etau regard de la repparacion d’icelui et aussi de nostre chastel de Saumur et de la Menistré, vous envoyons noz autres lettres de commission faisant mencion où voulons que l’argent soit prins pour faire lesdites repparacions, que voulons semblablement par vous estre mise à exécucion, et qu’il n’y ait faulte. Dieu vous ait en sa saincte garde. Escript en nostre palais d’Aix, le premier jour de février. Ainsi signé : René. Au bas est escript: Nicolas. Et sur le doux desdites lettres est escript : A nostre très cher et féal premier chambellan le seigneur de Loué, senneschal de nostre païs d’Anjou. »
Au-dessus est transcrite une autre lettre de René à ses gens des comptes, portant qu’informé « de la grant ruyne en quoy sont les pons leveys et dormans du chastel d’Angiers, lesquelx il convient faire touz de neuf, » et ne pouvant assigner de sommes pour cet objet sur ses finances ordinaires ou extraordinaires, il veut que le produit de tous les rachats qui écherront en Anjou soit consacré intégralement aux réparations de ses châteaux d’Angers, Saumur, la Ménitré,et autres s’il est besoin.
» (Aix, 7 janvier 1474.)
1. La cloison d’Angers était une sorte d’octroi établi en 1373 par le sénéchal d’Anjou et les bourgeois, pour un an d’abord ; mais le provisoire, comme il arrive presque toujours en pareille matière, subsista indéfiniment.
59. — 7 mars 1474, Saint-Cannat. — René écrit aux gens des comptes :
« ... Touchant la veufve du feu seigneur de Chanzé l, que dites estre griefvement malade, et nous en advertissez à ce que ne donnons les rachatz qui nous pourroient escheoir par sa mort, vous savez l’ordonnance qu’avons sur ce faicte; et encores d’abondant avons, au moys de janvier darrain passé, envoyé lettres patentes contenans que touz rachatz escheuz et à escheoir voulons estre convertiz et employez en la réparaeion et entretenement de noz maisons et chasteaux de nostredit païs d’Anjou. Et pour ce qu’avons sceu que ladite veufve est allée de vie à trespas, et au moyen de ce nous sont escheuz aulcuns rachatz qui vauldront bonne somme de deniers, vous mandons que d’icelle faictes très bien réparer nostre chastel d’ Angiers de toutes choses nécessaires, comme couverture, ponts leveis, tant devers la ville que devers les champs, mestre à point nostre grant jardrin, oster le mur qui est dedans et esgailler 2 la terre, et que la maison où demeuroit Chollet soit entretenue, car nous y voulons loger noz bestes. Et en oultre faictes mectre à point noz grans retraiz s’ilz ne le sont, nostre gallerie de plomb près nostre chambre, et très bien recimenter et mectre à point nostre vivier, et toutes autres choses que congnoistrez estre à faire en nostredit chastel, en manière qu’il soit bien mis à point. Ausourplus, faictes faire ung abillement à ung prisonnier qui, longtemps a, est en la fosse de nostre tour Buynart 3 *, et continuelment nous escrivez de ce et toutes nouvelles. »
60. — 3 juin 1474. — Paiement de six livres tournois pour la charpenterie du pont dormant qui est à l’entrée du château d’Angers, devers la ville.
