Septembre 1449. — « A Geoffroy Haloret, clerc de

chappelle dudit seigneur, xxvn solz six deniers, à lui deuz, pour ce qui s’ensuit, c’est assavoir : pour achat de demie canne de fil d’or pour brodure d’une couverte de damas noir pour les petittes heures dudit seigneur et façon de ce, pour ce, xx solz ; et pour ung gros et demi d’argent pour ung farmaillet- auxdites heures et façon de ce, vii solz six deniers. Pour ce, . . xxvn s. vi d.»

(P 1334‘\ 2* partie, f°86 v\)

505. — 14 février 1455. — Marché avec Jehan Dupas pour faire « ung grant livre des cens et rentes de la conté de Beaufort (papier rentier), pour la somme de cent livres tournois ; lequel livre sera en parchemin, en grant volume et de très bonne escripture. Et rendra les minutes dudit livre, pour les veoir en ceste Chambre, dedans la Saint- Jehan-Baptiste prouchain venant, et le livre tout grossé dedans dujourd’uy en ung an prouchain venant... Et fera la table dudit livre selon la fourme qui est tenue en l’anxien pappier rentier de ladite conté, qui a esté baillé audit Dupas pour s’en ayder... Aussi fera ung livre en pappier, déclaratif des sourcens que l’on prent sur les héritaiges de ladite conté autres que les sommes de deniers que le seigneur y prent, et y sera escript les droiz de la prévosté de ladite conté de Beaufort. »