juin 1454. — « De par le roy de Secile, etc

Nos amez et féaulx, pour ce que nostre entencion est d’avoir encores ung lyon et le métré avec les nostres d’ Angiers, nous voulons que faictes faire encores ung logeys pour ledit lyon oultre les autres qui y sont. Et de la despence qui pour ce sera faicte donnerons à qui il appartiendra tel acquict et descharge que besoing sera , en rendant ces présentes avec certifïîcacion sur ce du sire de Précigné ou de vous président, sans aucune difficulté. Nos amez et féaulx, Nostre Seigneur soit garde de vous. Escript en nostre jardin d’Aix, le xvne jour de juign, l’an mil cccc cinquante quatre. Ainsi signé : René. — Tourneville. Et au bas est escrit : R[eçu] à Angiers le vme de juillet m iiiic liiii. »

(P 1334e, fo 19.)

100. — 9 juillet 1454. — « Aujourd’uy ixe de juillet m niic liiii, a esté fait venir Guillaume Sebille, garde des lyons dudit seigneur roy de Secile , auquel a esté dit que ledit seigneur vouloit faire venir encores ung lyon et que om appointast de luy faire un logeys, ainsi qu’il est contenu es lettres du dit seigneur cy dessus registrées , et luy a esté demandé le lieu qui seroit le plus convenable et propice à ce faire. Lequel Guillaume Sebille a respondu que l’un des lyons dudit seigneur, nommé Daulphin, est treffort malade, et luy tient la maladie dès devant Pasques,