Demi-graine, variété d’écarlate. Cf. le n
Jehan Garnot, et pour ce que soit besoing et neccessité de pourveoir audit office de homme souffisant et ydoine, qui soit continuellement ou le plus du temps en nostre maison; Savoir faisons que nous, applain informez des sens, loyaulté, proudommie, habileté, bonne discrécion et dilligence estans en la personne de nostre cher et bien amé chappellain et chantre de nostredite chappelle Jehan de Montigny, confians aussi que en ceste charge il sera bien propice pour le bien de ladite chappelle et chappellains estans en icelle, icelluy, pour ces causes et autres raisonnables à ce nous mouvans, et aussi par l’advis et délibéracion de nostre conseil, avons aujourd’uy institué et ordonné receveur de nostredite chappelle, et de nouvel par ces présentes, en tant que mestier seroit, luy instituons et ordonnons tant qu’il nous plaira, aux droiz, honneurs , libertez et franchises audit office appartenans, et aux gaiges tels et semblables que les avoit et souloit avoir et prendre ledit Garnot, qui sont de cinquantecinq livres tournois par chascun an , que lui avons ordonnez et tauxez, ordonnons et tauxons par ces présentes; laquelle somme de lv livres tournois il prendra chascun an de sa recepte oultre ses gaiges ordinaires de chappellain et chantre de nostre chappelle, qui sont de six escuz par chascun moys , à commencer du jour et dabte de ces présentes. Auquel de Montigny, receveur dessusdit , nous avons donné et donnons par ces présentes plain povair, auctorité et mandement espécial de recevoir, cuillir et lever touz et chascuns les deniers qui jà sont ordonnez ou qui pour l’avenir se ordonneront pour le payement de nosdits chappellains et chantres de touz et chascuns noz trésoriers, receveurs, prévostz, fermiers, notaires et autres gens ausquelz les deniers luy seront ordonnez et assignez, et mesmement de arrender, afermer et amodier touz et chascuns tabliers de nostre dit pays de Prouvence, jà piéça par nous ordonnez pour le payement de nosdits chappellains et chantres de nostredite chappelle, en la forme et manière acoustumée. . . Donné en nostre manoir de Launay, le ixe jour de septembre l’an mil cccc cinquante-six. Ainsi signé : René, i . »
Suivent le serment et la caution de Montigny (6 et 4 novembre 1456).
(P 1334°, f°* 125 v° et 126.)
