décembre 1476. — « De par le roy de Sicile, etc

Noz amez et féaulx, Nous avons sceu que les clefz et lettres de

nostre Chambre des comptes vous ont esté rendues2, lesquelles, comme croyons, sont mal à point et en ordre, pour le transport qu’en a esté fait de lieu à autre ; de quoy vous avons bien voulu escripre,envous mandant mectre peine de diligemment tout veoir et visiter bien à loisir et remectre chascune chose en son lieu, comme elles a voient acoustumé estre, et en ce vacquer et entendre chascun endroit soy. Au surplus, nous avons receu nostre vroye croiz par l’arcevesque d’Aix et nostre vichancelier, qu’avions fait mectre en garde en l’église d’Angiers, à laquelle cause voulons et vous mandons que si, à la récepcion de cestes, n’aviez rendu aux déan et chappitre de ladite église la contre-lettre qu’ilz avoient baillée de la récepcion de ladite croiz, que la leur rendez sans difficulté comme casse et nulle ; et qu’il n’y ait faulte. Noz amez et féaulx, Dieu vous ait en sa sainte garde. Escript à Saint- Cannat, le vne jour de décembre. Ainsi signé : René. Et au bas J. Legay. »