Louis de Bournan

hayes du jardrin du Pont de Sée sont toutes rompues, et que les porceaux y entrent par faulte de clousture, qui gastent tout; auquel escrivons que, s’il se puet faire, qu’il le face tout à l’entour clourre et murer de mur, et qu’il y face faire ung petit logeis à cheminée du cousté de devers le pont , pour drecer et tenir viande quant y vouldrions menger, et qu’il y eust une petite fenestre à treilliz qui regardast au long du pont... Escript à Aix, le xxvie jour de mars. Ainsi signé : René. — Alardeau. »

232. — 26 juin 1459, Aix. — Lettre de René aux gens des comptes :

« Le sire du Couldray nous a escript que les ponts pour entrer ou chastel du Pont de Sée sont si pourriz, qui n’y a plus personne qui ne craigne à se adventurer à passer par dessus, et que, si en brief n’y est donné provision, il y conviendra aller par ung bateau; à quoy, pour le dangier et escande qui en pourroit advenir, est de neccessité donner provision , ce que vous mandons sur toutes choses faire de quelconques deniers qui pourront escbeoir, comme dessus, en vous transportant sur le lieu pour veoir et visiter la répara cion qui y sera neccessaire. Et vous savons bon gré de ce que dictes que lui avez fait bailler argent pour nostre jardrin dudit lieu , ainsi que escript le vous avions... »

233. — 4 janvier 1460. — « Vendredi mie jour de janvier mil iiiic lix, a esté visité le pont de l’entrée du chastel du Pont de Sée par Guillaume Robin, maistre des euvres, etc.

Et a esté mesuré la longueur du pont dormant par les dessus dits, depuis le pillier joignant la cuisine jusques à la cheoiste de la volée du pont du chasteau , en quoy y a cinquante huit piez de long. Et a esté advisé qu’il y aura en ladite longueur deux chaières A,... et y aura deux voyes1 2, qui pourront avoir d’ouverture chascune xxixpiez...

Item, l’autre pont dormant qui est depuis le puiz jusques à