Fortifiées au moyen de guérites

BATIMENTS ET DOMAINES D’ANJOU. 95

manière que elles sont commenciés, en restrangnant l’œvre en montant.

Item, montera la massonnerie desdictes tours aussi haut comme la feste de la grant sale ; ainsi averont environ viixx piés de haut de massonnerie sans la couverte du marrien.

Item, en chascune tour avera n estages ou soliers de volte de pierre, et n de bois ou de marrien.

Item, que en chascun des soliers de ladite tour avera une grant pierre qui saudra dehors toute l’œvre, pour geter les yaues.

Item, sera chascune desdites tours en haut garnie de saillies de pierre, si comme dessus est devisé du mur reont.

Item , en chascune desdites tours avera chambres aisiés, qui se feront dehors les murs desdites tours, toutes par tuyaus bons et fors qui descenderont jusques au fons du fossé, et porront estre curées toutes quant mestiers sera; et avera es tuyaus fenestres pour issir et widier le mauvais air desdictes chambres.

Item, il avera en chascune tour n ou ni sièges des chambres basses, et seront fais devers la closure reonde, afin que ne nuiset ou grièvent à T air de la chambre ne de la sale.

Item, ou second estage, ou solier delà tour neuve qui est à destre et devers soleil levant, et qui sera de volte de pierre, avera une chapelle, et dessus avera, se il plait au seigneur, ou garderobe ou ce qui lui plaira.

Item , on entrera esdictes tours de la sale ou de la grant chambre tant seulement.

Item, ouderrenier estage de la tour qui est à destre, descendera on par un trou qui sera laissiés dessus à un tour.

Item, ou derrenier estage de la tour qui est à senestre, au rez du fossé, devers la grant sale, avera une petite fausse porte pour issir hors du chastel, se mestiers estoit, sans aler par devant par le pont ; et sera faite bien bas au fons du fossé, si que il avera devant un pou de volte de pierre où il avera une porte, si que il avera n portes.

Item, es autres estages de ladite tour qui est à senestre, porront estre boutellerie , garderobes , ou ce qu’il plaira au seigneur.

Item, le long de la grant sale ancienne venra jusques as dictes il neuves tours et à la closure reonde, et sera l’entrée de la sale ou milieu entre les n tours dessus dites.

COMPTES ET MEMORIAUX DÜ ROI RENE'.

Item, au coing de ladicte sale, au lez senestre, devers ladicte neuve tour, avera un degré qui se avalera jusques à la plus basse volte qui est au piet du mur ancien de ladicte sale, et d’ilecques ainsi entrera on en l’autre volte qui est au dessus , et sera tels que on y puist descendre et avaler une pièce de vin l.

Item, pour fortefier le mur qui soustient la terre d’une partie de ladicte sale où il n’a point de volte, au rez et à le haut d’un archet qui est oudit derrenier estage de la sale , sera tout fait de volte, qui sera, fondée sur bonne taille en eslargissant la place au plus que on porra convenablement.

Item, ou fondement qui sera fais en ladicte plus basse maison pour faire ladicte volte, sera faite une porte de taille, afin que, se ledit seigneur avoit conseil de faire volte dessous toute la sale, que on y entrast par celle porte, et sera nientmains ladicte porte massonée.

Item, pour ce que l’autre volte ancienne au-dessous estoit neccessaire à réparer et estoit trop haute, et pour ce que en la haute sale puist avoir n bons estages, elle sera abaissié d’une toise et de plus, et seront en icelle volte et en toutes au dessus mis crochés et aniaulz de fer bons et fors, pour pendre lars ou ce que on voldra.

Item, ou mur qui se fait de nouvel à senestre joingnant de la sale , sera faite une archière qui donra jour et clarté à la volte plus basse et à l’autre dessus et au degré par où on ira en y celle.

Item , en icellui mur meismes , assés près de la tour , sera faite une autre archière qui puisse donner clarté à la cave, se le seigneur avoit conseil de faire volte partoute dessous la grant sale, et aussi au degré par où on iroit et avaleroit en icelle.

Item, ii samblables archières seront faites de l’autre costé, qui donront jour samblablement.

Item, samblablement seront faites en chascune tour une archière, pour donner clarté au fons des tours.

Item, ou mur de la tour qui est à senestre, là où seroit le coing de la volte se elle se faisoit partout dessous la sale , se fera une porte et entrée de taille par où on porroit aler de ladicte cave ou derrenier estage de la tour.

t. Cet article est barré.

BATIMENTS ET DOMAINES D'ANJOU

Item, ou cas que ladicte cave ne se feroit, dedens la sale, au coing, se fera une tourelle par où on descendra en ladicte porte pour aler au fons de ladicte tour.

Item, es murs qui se font adprésent se menront pierres de touz costés pour faire ladicte volte, se le seigneur avoit conseil de le y faire.

Item, toute ladicte grant sale, les murs au dessus seront bretechiés de saillies de pierres et crénellés jusques as tours neuves, si comme dit est du mur reont.

Item, en haut, là où sont les pertruis anciens, seront mis corbiaus de pierre bons et fors , qui porteront les saillies de bois là où la couverte de la sale se portera.

Item, on porra aler tout environ la sale dedens le mur jusques as tours, et y avera grans bouches de pierre qui porteront les yaues hors.

Item, soit le puis du chastel curés et widiés au plus tost que on porra, et y soit fais une bons tours, et y gete on l’iaue, afin qu’elle en soit millours.

Item, il est assavoir que ladite sale avera dedens œvre xlviii pies de long et xxxim piés de let ou environ.

Item , li murs anciens de ladicte sale , à la partie derrière , sur le fosset, ha viiixxx piés de haut ou environ i.

Item, dou haut de la mote du chastel jusques as fundemens des murs, sont l piés ou environ.

Item, les fundemens des murs ont ix piés de let ou environ, et doivent monter en estressant, en tele manière qu’il doit avoir vin piés de let ou environ jusques au second estage avecques lesvoltes, et par dessus tout contremont vu piés ou environ de let.

Item, les fondemens des tours ont environ ix piés, et se monteront 2.... ores jusques à tant que les n voltes de pierre soient faites, et les n voltes en auront de vu piés au mains.

Item, le mur reont qui est à faire a de long, de l’une fante ou rompure jusques à l’autre, que convient abatre jusques au piler qui est à destre du chastel, ha viiixxxvi piés ou environ.

Item, lesdites tours averont dedens œvre xv piés quarrés ou environ.

î. Il y a sans doute une erreur dans ce chiffre, qui serait hors des proportions.