Louis XI
2. On a vu pourtant (n° 281) que cet étang avait été échangé régulièrement contre une rente , avec l'approbation de l'évêque, en 1465.
chaussée de l'un des coustez dudit estang, et par ce moyen
empesché un chemin qui estoit sur la chaussée d'icelui estang,
pour y passer à aller d'Angiers ou bourg dudit Regullée, quant
la rivière est hors le santier acoustumé , ce que advient chascun
an1. »
LA MÉNITRÉ 2.
290. — 23 août 1454. — « Le xxiii0 jour d'aoust, l'an mil iiiic liiii, par le commandement du roy, fut advisé de faire les choses qui après s'enssuy vent , c'est assavoir pour faire au lieu de la Ministre six chambres et une salle, dont il y aura quatre chambres par terre et deux en planchier, et une salle de quarente piez de long. Et a promis monsr de Précigny, monsr le président, le trésorier d'Anjou, Guillaume Robin, maistre des euvres, de faire et faire faire touz les ouvraiges qui sont cy après nommez.
Et premièrement.
Fault faire deux pignons de maczonnerie en la haulte maison dudit lieu de la Ministre ; et enmy le bout d'abas de ladite maison y aura ung pignon, en quoy il y aura deux cheminées, l'une par terre et l'autre en planchier, et deux demyes croisées, l'une haulte et l'autre basse, et une huisserie haulte pour entrer en ung pilier de retraiz, qui aura huyt piez de creux et en fondement quelque quatre piez, et sera levé en haulteur six piez au dessus du premier planchier, affin qu'il soit couvert en appentiz contre ledit pignon ; et demourra ledit pignon sobz la couverture de la maison ; et seront les cheminées à manteaux de pierre , et seront levez les tuaulx quatre piez au dessus du fest de la maison.
Item, par le meillieu de ladite maison y aura ung pignon de pierre, en quoy il y aura quatre cheminées, toutes à manteau de pierre; et en aura deux es chambres basses et l'autre en la chambre haulte , et une bien grande en la salle, de vin piez de tizon, et seront faictes et conduites quatre piez au dessus du fest de la maison ; et demourra ledit pignon sobz couverture.
1. Cette pièce ainsi que la précédente se trouvent dans le recueil des Notices de M. Marchegay, p. 21.
2. Manoir encore existant, sur la Loire, non loin de Beaufort-en-Vallée. On trouvera également plus loin l'inventaire de son mobilier (n° 645).
Item, ou bout de la haulte salle y a une cheminée qui fauldra descendre en la chambre basse , et ne bougera le tuau de ladite cheminée ; et sera à manteau de pierre , et remise dedans ledit tuau ; et se aidera l'an du pignon de mur que il fault abatre là où devoit estre la chappelle.
Charpenterie. . .
Couverture...
Terrasserie...
Menuiserie et serrurerie.
... Item, fauldra garnir les fenestres croisées et les demyes croisées, qui seront faictes les unes à fenestres volantes et les autres enchasseillées.
Item, fault logier une grant eschalle à monter en la haulte salle, en la meilleure manière que faire ce pourra.
Et ont promis les dessusdits faire et acomplir les ouvraiges dessus nommez, et faire et fournir de toutes matières, en soy aidant de celles qu'ilz se trouveront sur le lieu, pour le pris et somme de niic escuz.
Ainsi signé : René1. — Rayneau. »
(P13345, f- 200 v° et 201.)
