septembre 1459. — « De par le roy de Sicille, etc

Très chiers et féaulx , Frère Guillaume de la Baumecte nous a rescript qu'il pluet tellement en leur église dudit lieu , hault et bas, par les fuies du roc , que encores à ceste heure il leur a convenu lever ung aultier de boys en la petite chappelle, et que l'eau pourrist touz leurs aournemens, et qu'il leur a failli ouster la croix qui estoit en la fenestre au dessus, en laquelle sont les reliques de la vraye croix, pour ce qu'elle pourrissoit, nous en ad visant pour y faire donner la provision neccessaire, laquelle sur toutes choses désirons y estre donnée. Si vous mandons bien expressément que vous vueillez transporter sur le lieu , et veoir et faire veoir et visiter par gens sur et entenduz la provision qui y est neccessaire, pour la y faire promptement donner, toutes choses arrière mises...

Escript en nostre cité de Masseille, le ixejour de septembre.

Ainsi signé : René. — Alardeau. »